މާލީ ބޮޑެތި ގޮން ޖެހުންތަކާއި މި ފަހުން ކުރިމަތިވެފައިވާ އެފްއޭއެމްގެ ރައީސް ބައްސާމް މިހެން ވިދާޅުވީ ހޯމަ ދުވަހު މެންދުރު ފަހު އޮތް އެފްއޭއެމްގެ ކޮންގްރެސްއަށް ފަހު ނޫސްވެރިންނާ ބައްދަލު ކުރައްވައި ވާހަކަ ދައްކަވަމުންނެވެ. ބައްސާމް ވިދާޅުވީ، އަންނަ ހަފްތާގައި މާލީ ދަތިތަކުން އަރައިގަނެވޭނެ ކަމަށާއި އެކަމަށް މަގުފަހިވި މައިގަނޑު ސަބަބަކީ މިދިޔަ ދުވަސްތަކުގައި ހަރަދުތައް ކުޑަ ކުރުން ކަމަށެވެ. އެފްއޭއެމްގެ ކޮންގްރެސްއިންވަނީ މި އަހަރަށް އެ އެސޯސިއޭޝަނަށް އަށްޑިހަ އަށް މިލިއަން ރުފިޔާގެ ބަޖެޓެއް ފާސްކޮށްފައެވެ.
އަންނަ ހަފްތާގައި އެފްއޭއެމް މާލީ ގޮތުން ހިންދެމިލާނެ ކަމަށް އެ އިދާރާއިން ބުނިއިރު، ވޭތިވެދިޔަ ދުވަސްތަކުގައި އެ އިދާރާގެ މުވައްޒަފުންނަށް މުސާރަ ނުދިނުމުގެ މައްސަލަ އެތައް ފަހަރަކު ކުރިމަތިވެފައިވެއެވެ. އޭގެ އިތުރުން، ގައުމީ ޓީމުގެ ކޯޗު އަދި އެސިސްޓެންޓް ކޯޗު މަގާމުން ވަކިކުރުމުގައި ހަދާފައިވާ ގޯސްތަކުގެ ސަބަބުން ފީފާއިންވަނީ ކޯޗާއި އެސިސްޓެންޓް ކޯޗަށް ބަދަލު ދޭން އެފްއޭއެމަށް އަންގާފައެވެ.
އެފްއޭއެމްގެ ކޮންގްރެސްގައި އަށްޑިހަ އަށް މިލިއަން ރުފިޔާގެ ބަޖެޓެއް މި އަހަރަށް އެ ކްލަބުން ފާސްކޮށްފައިވާއިރު، އެ އަދަދަކީ އެ އިދާރާއަށް ލިބޭނެ ކަމަށް އަންދާޒާ ކުރާ އަދަދަށްވުރެ އިތުރު ބަޖެޓެކެވެ. އެހެންކަމުން މި އަހަރުވެސް އެފްއޭއެމް މާލީ ގޮތުން ނިންމާލާނެ ކަމަށް ބެލެވެނީ ދަރަނިވެރިވެގެންނެވެ.
