އެ ޕާޓީން މިއަދު ނެރުނު ނޫސްބަޔާނެއްގައި ބުނެފައިވަނީ، އެމްޑީޕީގެ ރައީސް އަދި ކުރީގެ ރައީސް މުޙައްމަދު ނަޝީދަށް އަމާޒުކޮށް 6 މެއި 2021 ގައި ދިން ޙަމަލާގައި ތުހުމަރުކުރެވޭ މީހުންގެ ޝަރީޢަތް ބައްލަވާ އެއް ޤާޒީ، މައްސަލައިން ތަނާޒުލުވެވަޑައިގެންފައި ވާކަމީ، އެ ޕާޓީން ނުހަނު ކަންބޮޑުވާ ކަމެކެވެ.
މި މައްސަލައިގެ ރިޔާސަތު ބަލަހައްޓަވާ ކްރިމިނަލް ކޯޓުގެ ޤާޒީ ތަނާޒުލުވެވަޑައިގަތީ، ތުހުމަތު ކުރެވޭ އެއް ފަރާތްކަމުގައިވާ މ.ކުދެހިގޭ އިސްހާގުގެ ދަރިއެއް، ގާޒީއަށް މީގެ ކުރިން އިންޒާރުދީފައިވާތީ ކަމުގައި ގާޒީ ވިދާޅުވެފައިވާކަމަށް އެމްޑީޕީން ބުނެއެވެ.
ގާޒީއަށް ތަނާޒުލުވެވަޑައިގަންނަވާން ޖެހިވަޑައިގަތީ، ތުހުމަތުކުރެވޭ އިސްހާގުގެ ދަރި އަދިވެސް ދޫވެފައި، އަދި ސްޓެލްކޯގެ ވަޒީފާގައި ހުރުމަކީ އެމްޑީޕީން ކުށްވެރިކުރާ ކަމެއްކަމުގައި އެ ޕާޓީން ވަނީ ބުނެފައެވެ.
އެމީހުންގެ މައްސަލަ ހައްލުނުކުރެވޭނަމަ، އެމީހުން ޓެގު އަޅުވައިގެން މޮނިޓާ ކުރުމަށް ވެސް އެމްޑީޕީން ވަނީ ގޮވާލާފައެވެ.
ނަމަވެސް މި މައްސަލައިގައި ސްޓެލްކޯއިން ބުނެފައިވަނީ ގާޒީއަށް އިންޒާރު ދިން މީހާ އުޅޭ ހަބަރަކީ ތެދު ހަބަރެއް ނޫންކަމަށެވެ.