ކޯޓު އެޑްމިނިސްޓްރޭޓަރުން ގާނޫނާ ހިލާފަށް މަގާމުން ވަކިކުރި މައްސަލައިގެ އަޑު އެހުން މީގެ ދުވަސް ކޮޅެއް ކުރިން އޮތީ ހައިކޯޓުގައި ފެށިފައެވެ. މި މައްސަލަ ހައިކޯޓުގައި އިސްތިއުނާފު ކުރީ ޖުޑީޝަލް ސަރވިސް ކޮމިޝަނުންނެވެ. މާދަމާ ހައިކޯޓުގައި އޮތީ މައްސަލައިގެ ހުކުމް ކުރުން ކަމެއް ނުވަތަ އިތުރު އަޑު އެހުމެއް ކަމެއް ސާފެއް ނުވެއެވެ.
ޖޭއެސްސީ ގާނޫނަށް ގެނެވުނު އިސްލާހަށް ފަހު ކޯޓުތަކުގެ ޗީފް އެޑްމިނިސްޓްރޭޓަރުން އައްޔަން ކުރުމުގެ އުސޫލު ބަދަލުކޮށް، ކުރިން ތިބި އެޑްމިނިސްޓްރޭޓަރުންގެ ތެރެއިން ވަކި މިންވަރަކަށް މާކްސް ނުލިބޭ މީހުން މަގާމުން ވަކިކުރުމުން އެ މަގާމުތަކަށް މީހުން ނުނެގުމަށް ޓްރައިބިއުނަލުން ޖޭއެސްސީގެ މައްޗަށް ކުރި އަމުރުވެސް ޖޭއެސްސީން ހައިކޯޓުގައި ކުރިން އިސްތިއުނާފު ކުރިއެވެ. އެހެންނަމަވެސް ހައިކޯޓުންވެސް ނިންމާފައިވަނީ އެ މަގާމުތަކަށް ދާއިމީ މުވައްޒަފުން ނުނެގުމަށެވެ. ފަހުން އެ މައްސަލަ ނިމި، މަގާމުން ވަކި ކުރި އެޑްމިނިސްޓްރޭޓަރުންނަށް އަލުން ވަޒީފާދޭން އެންގީއެވެ.
