އެގޮތުން ޑިސްއެބިލިޓީ ކާޑު އޮންނަ ފަރާތްތަކަށް މާލެއާއި ހުޅުމާލެ އަދި އެއާޕޯޓަށް ކެބް އެމްވީ ޓެކްސީ ސެންޓަރުގެ ކޮންމެ ޓެކްސީ އެއްގައި ކުރާ ކޮންމެ ދަތުރަކަށް 20 ޕަސެންޓް ޑިސްކައުންޓް ލިބޭނެކަމަށް އެ އެ ސެންޓަރުން ބުނެއެވެ. 

މާލޭ ސަރަހައްދުގައި ޓެކްސީ ކުރުމަކީ އާދައިގެ ކަމެއްގެ ގޮތުގައި އޮއްވާ، ޓެކްނޮލޮޖީގެ ވަސީލަތްތަކާއި ޓެކްސީތައް ގުުޅުވާލީ ކެބް އެމްވީގެ ފަރާތުންކަމަށް އެ ކުންފުނިން ބުނެއެވެ. 

"ފަހިކެބް" ނަމަކަށް ކިޔާ މޯބައިލް އެޕްލިކޭޝަނަކުންނާއި ފޯނުގެ ޒަރިއްޔާއިން ކެބްއެމްވީގެ ހިދުމަތަށް ދުވާލަކު އެތައް ސަތޭކަ ބަޔަކު އެދެމުންދެއެވެ. އަދި އޭގެ ތެރޭގައި ހިމެނޭ ނުކުޅެދުންތެރިކަން ހުންނަ ފަރާތްތަކަށް މި ދިން ޑިސްކައުންޓުގެ ސަބަބުން ނުކުޅެދުންތެރިކަން ހުންނަ މީހުންނަށް މާލީ ގޮތުން ލުއި ފަސޭހަތަކެއް ލިބިގެންދާނެއެވެ. 

ކެބް އެމްވީއަށް އެއްއަހަރު ފުރިފައިވާއިރު، މާލެ ސިޓީގެ އިތުރުން އައްޑޫ ސިޓީ، ފުވައްމުލަކު ސިޓީ، ކުޅުދުއްފުށި ސިޓީ އަދި ލ.އަތޮޅުގައި ކެބްއެމްވީގެ ހިދުމަތްތައް ދެމުން ގެންދެއެވެ. މިއީ އެންމެ ފުޅާ ދާއިރާއެއްގައި މުޅި ރާއްޖޭގައި ޓެކްސީގެ ހިދުމަތް ދެމުންގެންދާ އެއް ސެންޓަރެވެ.