އެސްޓީއޯގެ ދަށުން ހިންގަމުން އަންނަ އެމްއެސްއެސްގެ ތިންވަނަ ބޯޓު "އެމްވީ އެމްއެސްއެސް ގްރެފީން" އިއްޔެ ވަނީ ރާއްޖެ ގެނެސްފަ އެވެ.
ޖަރުމަނުގެ "ކެންޑްލާ" ކުންފުންޏާއެކު މި ބޯޓު ފެންނަ ގޮތައް ނޫސްވެރިންނާއިއެކު އެސްޓިއޯއިން އިއްޔެ މި އެއްބަސްވުމުގައި ސޮއިކުރުމަށްފަހު ވަނީ ފައިސާ ދައްކާފަ އެވެ. އެެއްބަސްވުމުގައި އެސްޓިއޯގެ ފަރާތުން ސޮއިކުރެއްވީ އެކުންފުނީގެ މެނޭޖިން ޑިރެކްޓަރު ހުސެއިން އަމްރެވެ.
މިހާރުވެސް ދަތުރު ކުރަމުން އަންނަ އެމްއެސްއެސް ގެލީނާގެ ސިސްޓަ ވެސެލް ނުވަތަ އެއާ އެއްސައިޒުގެ އާ ބޯޓުން 420 ލޯޑް ކޮންޓެއިނާ އުފުލޭނެ އެވެ. އަދި ހުސްކޮށް ނަމަ 680 ކޮންޓެއިނާ އުފުލެ އެވެ. އޭގެތެރޭގައި ފިނިކުރި ތަކެއްޗަށް ހާއްސަ 60 ރީފާ ކޮންޓެއިނަރު ހިމެނެ އެެވެ.
މީޑިޔާ އަށް މައުލޫމާތުދެއްވަމުން އަމްރު ވިދާޅުވީ މިހާރު އެމްއެސްއެސް އިން ހުރިހާ ބާވަތެއްގެ މުދަލެއްވެސް ގެނައުމަށް ފަސޭހަވެގެން ހިގައްޖެ ކަމަށެވެ. އަމްރު ވިދާޅުވީ މި ބޯޓާއެކީގައި ޑައިރެކްޓްކޮށް ގުޅާލެވުނީ ސިންގަޕޫރާއި ހިސާބުން ފެށިގެން މެލޭޝިއާއިން ރާއްޖެއަށް ކަމަށެވެ. އަދި ވިދާޅުވީ ކުރިއަށްއޮތް ތަނުގައި އަރަބިކަރައިންވެސް ރާއްޖެއަށް ސީދާ ޑައިރެކްޓު ދަތުރުތައް ކުރެވިގެންދާނެ ކަމަށް އުންމީދު ކުރައްވާ ކަމަށެވެ.
އަމްރު ވިދާޅުވީ ކުންފުނި ފުޅާވެގެން އަންނައިރު ވަޒީފާގެ ފުރުސަތުތައް އެބަހުރި ކަމަށާއި، ނަމަވެސް ކޮލެޓީ ތައުލީމީ ދިވެހިން އަދިވެސް މި ދާއިރާއަށް މުހިންމު ކަމަށެވެ. އަމްރު ވިދާޅުވީ މީހުން ތަމްރީން ކުރުމަށް އެމްއެންޔޫ އާއި ގުޅިގެން ހިލޭ ކިޔަވައިދިނުމުގެ ފުރުސަތުތަކެއް ފަހި ކުރުމަށްވެސް މަސައްކަތް ކުރައްވަމުން އަންނަ ކަމަށެވެ.
