ޝަރީފް މިފަދައިން ވިދާޅުވީ، ލަންކާ އޮތް ހާލަތަށް ދިވެހި ރާއްޖެ ވެއްޓި ދާނެ ކަމަށާއި، ސަލާމަތީ ބާރުތަކުން ރައްޔިތުންގެ ބާރަށް ވިސްނާ އެކަން އެނގެން ޖެހޭ ކަމަށް ރާއްޖޭގެ ކުރީގެ ރައީސް، ރައީސް އަބްދުﷲ ޔާމީން ވިދާޅުވުމާއި ގުޅިގެންނެވެ. މީގެ އިތުރުން ރައީސް ޔާމީން ވަނީ މިހާރު ވެރިކަމުގައި ތިއްބެވީ ބޯ ހަރު ބައެއް ކަމަށްވެސް ވިދާޅުވެފަ އެވެ.
ރައީސް ޔާމީން ކުރެއްވި ޓުވީޓަށް ރައްދު ދެއްވަމުން ޝަރީފް ވިދާޅުވީ، މިހާރު ދިވެހި ރާއްޖޭގެ ވެރިކަން ކުރަމުން ގެންދަވާ، ރައީސް އިބްރާހިމް މުހައްމަދު ސޯލިހު އަކީ ރައްޔިތުންގެ އިހުސާސްތައް ދެނެވަޑައިގެން ހުންނަވާ ވެރިކަން ކުރައްވަމުން ގެންދަވާ ހުކުމަތްތެރި ބޭފުޅެއް ކަމަށް ވިދާޅުވެފަ އެވެ.
ރައީސް ޔާމީން އިއްޔެ ކުރެއްވި ޓުވީޓްގައި ވަނީ ލަންކާ މިހާރު އޮތް ހާލަތައް ދިވެހި ރާއްޖެ ގޮސްދާނެ ކަމަށް ވިދާޅުވެފަ އެވެ. އަދި މިހާރު ރާއްޖޭގެ ވެރިކަން ކުރައްވާ ބޭފުޅުންގެ ސިޔާސަތުތަކަށް ބަދަލު ނުގެންނަ ނަމަ އިގްތިސާދު ފުނޑުފުނޑު ވެދާނެ ކަމަށްވެސް ރައީސް ޔާމީން ވަނީ ވިދާޅުވެފަ އެވެ.
