އެމްކިއުއޭއިން ނެރެފައިވާ އިއުލާނެއްގައި ބުނެފައިވަނީ، ބައެއް ފަރާތްތަކުން އެ އޮތޯރިޓީއިން ހަދާފައިވާ އުސޫލުތަކާއި، ގަވައިދު ތަކުގެ އިތުރުންއެކްރެޑިޓޭޝަން ގަވާއިދާ ހިލާފަށް، މަތީ ތައުލީމުދޭ ބައެއް މަރުކަޒުތަކުން އަމަލުކުރަމުންދާ ކަމުގެ ޝަކުވާ އެ އޮތޯރިޓީއަށް ލިބެމުން އަންނަ ކަމަށެވެ.
މީގެ އިތުރުން އެބަޔާނުގައި އިތުރަށް ބުނެފައިވަނީ، ޕްރޮގްރާމް އެކްރެޑިޓޭޝަން ގަވައިދާ ހިލާފަށް ހިންގަމުން އަންނަ ކޯސްތަށް އެ އޮތޯރިޓީއިން ބަލައި ނުގަންނާނެ ކަމަށާއި، އެ ގޮތަށް ކޯސް ހިންގާ ފަރާތްތަކާއި މެދު ފިޔަވަޅު އަޅާނެ ކަމަށެވެ. އަދި އެ ފަދަ ކޯސްތައް ބަލައި ނުގަންނާނެތީ، އެ ކޯސްތައް ހިންގާ ފަރާތްތަކުގެ އިތުރުން އެފަދަ ކޯސްތަކުގައި ބައިވެރިވާ ފަރާތްތަކަށް އެކަން އަންގާ ކަމަށެވެ.
ރާއްޖޭގައި ފަހަކަށް އައިސް ކިޔަވައިދޭ ކޮލެޖު ޔުނިވާސިޓީތައް އިތުރު ވެފައި ވާއިރު، ބައެއް ފަރާތްތަކުން ގަވައިދާ ހިލާފަށް އެކި ކަންކަން ކުރަމުން ގެންދާކަން ފާހަގަ ކޮށްލެވެ އެވެ.