މި މަހުގެ 19 ވަނަ ދުވަހުން ފެށިގެން 21 އަށް ބާއްވާ އެމްޑީޕީގެ ކޮންގްރެސް އާއި ބެހޭ މައުލޫމާތު ހިއްސާކުރުމަށް މިއަދު އެޕާޓީން ބޭއްވި ނޫސްވެރިންގެ ބައްދަލުވުމުގައި، ކޮންގްރެސް ކޮމިޓީގެ މުގައްރިރު އިބްރާހިމް ވަހީދު (އިބުރޭ) ވިދާޅުވީ، ޕްރައިމަރީއެއް ބާއްވައިގެން ނޫން ގޮތަކަށް، ރިިޔާސީ ޓިކެޓު ދެވޭނެ އުސޫލެއް އަސާސީ ގަވާއިދުގައި ނޯންނަ ކަމަށެވެ. އަދި އެފަދަ އިސްލާހެއް ހުށަހަޅާފައިވެސް ނުވާކަމަށެވެ.
އިބުރޭ ވިދާޅުވީ، ފަސް މެމްބަރުންގެ ކޮމެޓީއެއް ނަގައިގެން ޕްރައިމަރީއެއް ބޭއްވުން ނޫން ގޮތެއް ގައުމީ މަޖިލީހަށް ނޯންނާނެ ކަމަށާއި، އަދި އެނޫން ގޮތަކަށް އެކަން ކުރުމުގެ ބާރެއް ގައުމީ މަޖިލީހެއްވެސް ނޯންނާނެ ކަމަށެވެ.
ކޮންގްރެސްގައި އެފަދަ އިސްލާހެއް ހުށަހަޅައިގެން އަސާސީ ގަވާއިދު ބަދަލުކުރުމުގެ ހާލަތެއް އައިސްފާނެތީ ނޫސްވެރިއަކުން ސުވާލުކުރުމުންވެސް އިބުރޭ ވިދާޅުވީ އެކަން ނުކުރެވޭނެ ކަމަށެވެ. އަދި އެކަން ނުކުރެވޭ ގޮތް ހަދާފައިވަނީވެސް މާޒީން ލިބުނު ހިތި ތަޖުރިބާ ސަބަބުން ކަމަށް އޭނާ ވިދާޅުވި އެވެ. އެހެންކަމުން 2023 ގެ ވެސް ރިޔާސީ ޓިކެޓު ކަނޑައެޅިގެން ދާނީ، ޕްރައިމަރީއަކުން ކަމަށް އިބުރޭ ވިދާޅުވި އެވެ. ޕްރައިމަރީ ބާއްވާނެ ތާރީހެއް އަދި ހަމައެއް ނުޖައްސައެވެ. ނަމަވެސް ވަރަށް އަވަހަށް
ޕާޓީގައި ވަރަށް ބޮޑަަށް ހިޔާލުތަފާތުވެފައި ވުމުން އެމްޑީޕީގެ ޓިކެޓު ޕްރައިމަރީއަކާއި ނުލާ ދޭން ވިސްނަފާނެ ކަމަށް މީގެ ކުރިން އޮތީ ބެލެވިފަ އެވެ.
އަންނަ އަހަރުގެ ރިޔާސީ އިންތިހާބުގެ އެމްޑީޕީ ޕްރައިމަރީގައި ތާއިދުކުރައްވާނީ ރައީސް ސޯލިހް އަށް ކަމަށް ފައްޔާޒް ވިދާޅުވިއިރު، ޕްރައިމަރީގައި ވާދަކުރައްވާނެކަން ނުވަތަ ނޫންކަންވެސް ރައީސް ސޯލިހް މިހާތަނަށް ހާމައެއް ނުކުރައްވައެވެ.
ރައީސް ވިދާޅުވަމުން އައީ އެމަނިކުފާނު ފޯކަސް އޮތީ މިދައުރުގެ ވައުދުތައް ފުއްދުމަށް ކަމަށާއި، އެހެން ދައުރެއްގެ ވާހަކަ ދައްކަވަން ވެސް ވާނީ އެކަން ކޮށްފައި ކަމަށް ގަބޫލުކުރައްވާ ކަމަށެވެ.
ނަމަވެސް އަންނަ އަހަރުގެ ރިޔާސީ އިންތިހާބަށް އެމްޑީޕީގެ ޕްރައިމެރީގައި އެ ޕާޓީގެ ރައީސް މުހައްމަދު ނަޝީދުގެ އިތުރުން ރައީސް އިބްރާހިމް މުހައްމަދު ސޯލިހް ވެސް ވާދަކުރައްވާނެ ކަން ވަނީ އިއުލާންކުރައްވާފަ އެވެ.
