މި ބައްދަލުކުރެއްވުމާއި ގުޅޭގޮތުން މަޖިލީހުގެ މެމްބަރުންނަށް މައުލޫމާތު ހިއްސާކުރައްވަމުން ރައީސް ނަޝީދު ވިދާޅުވީ، ޗައިނާގައި ފެތުރޭ ކޮވިޑް19 އާއި ގުޅޭގޮތުން ކަންތައްތައް ހިނގަމުންދާގޮތް ސަފީރު ހިއްސާކުރެއްވި ކަމަށެވެ.
އަދި މިވަގުތަކީ އެންމެންވެސް ޗައިނާ އާއި ދޭތެރޭގައި އިހުލާސްތެރިކަމާއި މަދަދުވެރިކަމާއި އެކުގައި އަމަލުކުރަންޖެހޭނެ ވަގުތެއްކަމަށް ޗައިނާގެ ސަފީރު އަރިހުގައި ދެންނެވިކަމަށް ރައީސް ނަޝީދު ވިދާޅުވި އެވެ. މިއީ އެއްވެސް ހާލެއްގައި ޗައިނާއަށް އެއްވެސް ކަމެއްގައި ދެރަގޮތެއް ވުމަށް ހިތްނިޔަތް ގަނެގެން ވާނެ ވަގުތެއް ނޫންކަމަށް ވެސް ވިދާޅުވި އެވެ.
މީގެ އިތުރުން ކޮވިޑް19ގައި ފުރާނަ ނެތިގެންދަނީ ވަރަށް މަދުބައެއްގެ ކަމަށް ސަފީރު ވިދާޅުވި ކަމަށް ރައީސް ނަޝީދު ވިދާޅުވި އެވެ. އަދި މީގެ އިތުރުން ޗައިނާ އިން އަލަށް ކޮވިޑް19 ޖެހޭ މީހުންގެ އަދަދު ދަށްވެފައިވާކަމަށް ސަފީރު ވިދާޅުވި ކަމަށް ރައީސް ނަޝީދު ވިދާޅުވި އެވެ. އަދި ކޮރޯނާގައި ރަނގަޅުވާ މީހުންގެ އިންސައްތަ އިތުރުވާކަމަށް ވެސް ވިދާޅުވި ކަމަށް ރައިސް ނަޝީދު ވިދާޅުވި އެވެ.
