އެކަމަނާ މިހެން ވިދާޅުވީ، ދެވަނަ ފިޔަވަހީގެ “ފުރަތަމަ ސްކޫލް، ކާމިލް ދީދީ” ހުޅުވުމުގެ ރަސްމިޔާތުގައި މިއަދު ވާހަކަދައްކަވަމުން ނެވެ.
މިނިސްޓަރު ވިދާޅުވީ، ސަލާހުއްދީން ސްކޫލުގަައި އެލްކޭޖީން ފެށިގެން ގްރޭޑް 10 އަކަށް ކިޔަވައިދޭނެ ކަމަށެވެ.
މިއަދު ހުޅުވުނު ކާމިލްދީދީ ޕްރީންސްކޫލާއި އިންވެގެން ތަރައްގީކުރާ ދެވަނަ ސްކޫލު “ޖަމީލް ދީދީ” ސްކޫލުވެސް މިއަހަރުތެރޭ ހުޅުވޭނެކަމުގެ އުފާވެރި ހަބަރު މިނިސްޓަރު މިއަދު ވަނީ ދީފައެވެ.
ހުޅުމާލޭގައި މިއަދު ހުޅުވި ސްކޫލް މަޝްރޫއު އާއި ޖަމީލްދީދީ ސްކޫލް މަޝްރޫއު އަކީ ދެ ސްކޫލެއްގެ ގޮތަށް ހަދާ އެއް މަޝްރޫއެކެވެ. އެބިމުގައި ކާމިލްދީދީ ޕްރީސްކޫލާއި، ޖަމީލުދީދީ ނަމުގައި ޕްރީސްކޫލެއް ގާއިމުކުރާނެ އެވެ.
އެމަސައްކަތް ހަވާލުކޮށްފަވާ އެސްޖޭ ކޮންސްޓްރަކްޝަން ކުންފުނީގެ ލޮޖިސްޓިކް މެނޭޖަރު ޝަފްޒާދު ޒާހިދު މީގެ ކުރިން ވިދާޅުވިގޮތުގައި، ޖަމީލް ދީދީގެ ސްކޫލު މަސައްކަތާއިއެކު މުޅި މަޝްރޫއު މި މަހަށް ނިންމާލެވޭނެ އެވެ.