ކޮސްޓާ އިސްތިއުފާ ދިންކަން ހާމަކުރަމުން ބުނީ އޭނާއަށް އެފްއޭއެމުން މުސާރަ ނުދޭތާ 7 މަސް ވެއްޖެކަމަށެވެ. ވޭތިވެދިޔަ 7 މަސް ދުވަހު، މުސާރަ ކަންތަކުގައި އަލިމަގެއް ފެނޭތޯ ކެތްތެރިކަމާއެކު މަސައްކަތް ކުރި ކަމަށް ކޮސްޓާ ބުންޏެވެ.
މުސާރަ ނުދީގެން ކޮސްޓާ މަގާމުން އިސްތިއުފާ ދިން އިރު ގައުމީ ޓީމުގެ ކުރީގެ ކޯޗު އަދި އެސިސްޓެންޓް ކޯޗަށް މުސާރަ ނުދީ ހުރި މައްސަލައިގައި އެފްއޭމުން އެ ފައިސާ ދިނުމަށް ފީފާއިންވަނީ މީގެ ކުރިން އަންގާފައެވެ. އަދި އެފްއޭއެމްގެ އިދާރީ މުވައްޒަފުންނަށް މުސާރަ ނުދޭ މައްސަލަ މިއަހަރާއި މިދިޔަ އަހަރުވެސް އެކި ފަހަރު މަތިން ކުރިމަތިވިއެވެ.
ގައުމީ ޓީމުގެ އެސިސްޓެންޓް ކޯޗަށް މުސާރަ ނުދީގެން އިސްތިއުފާ ދިން މައްސަލައިގައި އެފްއޭއެމުން އަދި އެއްވެސް އެއްޗެއް ނުބުނެއެވެ.
އުމުރުން 46 އަހަރުގެ ސިމާއޯ އަކީ ކުރިން ޕޯޗުގަލްގެ ކްލަބްތަކަށް ކުޅެފައިވާ މޮޅު މިޑްފީލްޑަރެކެވެ. އަދި ދެކުނު ކޮރެއާގެ ޑައިޖިއަން ސިޓިޒަން އަށްވެސް 2001 ވަނަ އަހަރު ސިމާއޯ ކުޅެފައިވެއެވެ. އޭނާއަށް ރާއްޖޭގެ ގައުމީ ޓީމުގެ އެިސްޓޭންޓް ކޯޗުކަން ދިނީ މިދިޔަ އަހަރުގެ ފަހުކޮޅުއެވެ.