ރައީސް ނަޝީދު މިހެން ވިދާޅުވީ އައްޑޫ ސިޓީއަށް މިހާރު ކުރައްވަމުން ގެންދަވާ ދަތުރުފުޅުގައި މަރަދޫގައި އެމްޑީޕީގެ މެންބަރުންނާއެކު ބޭއްވި ބައްދަލުވުމެއްގައި ހުކުރު ދުވަހުގެ ރޭ ކަމަށްވަނީ މައުލޫމާތު ލިބިފައެވެ.

 ރިޕޯޓްތައް ބުނާ ގޮތުން، ރައީސް ނަޝީދު ރޭ ވިދާޅުވީ ރާއްޖޭގައި ބޭރު ފައިސާ، އެމެރިކާ ޑޮލަރަށް އޮތް ދަތިކަން ހައްލުކޮށް ބޭރު ފައިސާގެ ރިޒާވް ހިފެހެއްޓެން އޮތީ ޑޮލަރެއްގެ އަގު 17 ރުފިޔާ ކަމުގައި ކަނޑައަޅާ ބެންކުތަކުން ވެސް އެ ރޭޓްގައި ޑޮލަރު ވިއްކަން ފެށުމުން ކަމަށެވެ. 

ރައީސް ނަޝީދު ވިދާޅުވީ ރާއްޖޭގައި ބޭރު ފައިސާގެ ރިޒާވް އޮތީ "ހާސް" ވާން ޖެހޭ މިންވަރެއްގައި ކަމަށެވެ. އަދި ރިސޯޓްތަކުގެ މުވައްޒިފުންނަށް މުސާރަ ދިނުމަށް ބެންކުތަކުން ފައިސާ މާރުކުރަން ޖެހޭއިރު ބެލެކް މާކެޓްގައި ޑޮލަރުގެ އަގު މުޅީން ތަފާތު ކަމަށް ރައީސް ނަޝީދު ވިދާޅުވި ކަމަށް މައުލޫމާތު ލިބިފައިވެއެވެ.

ޑޮލަރުގެ ކަޅު ބާޒާރެއް އުފެދި، ޑޮލަރުގެ އަގު 17 ރުފިޔާއަށް ވުރެ މައްޗަށް އަރާފައިވާއިރު، ރައީސް ނަޝީދުގެ ވެރިކަމުގައި ޑޮލަރުގެ އަގު އަރައިގެން ދިޔުމުން އެ މަނިކުފާނުވަނީ ކޮންމެ ޑޮލަރެއްގެ ފަހަތުގައި ފުލުހަކު ބަހައްޓައިގެން ނަމަވަސް ބޭރު ފައިސާ ރާއްޖޭގައި ހިފަހައްޓަން މަސައްކަތް ކުރައްވާނެ ކަމަށް ވިދާޅުވެފައެވެ.