ހައިކޯޓުން މިދިޔަ ސެޕްޓެމްބަރު މަހު ފަހުކޮޅު ކުރި އަމުރު، އެޗްޑީސީން ސުޕްރީމް ކޯޓަށް ހުށަހެޅީ އަންގާރަ ދުވަހުއެވެ. އެހެންނަމަވެސް އެ މައްސަލަ ބަލައިގަތުމާމެދު ސުޕްރީމް ކޯޓުން އަދި ވަކިގޮތެއް ނުނިންމައެވެ.
ހައިކޯޓުން ސެޕްޓެމްބަރު މަހު އަމުރުކޮށްފައިވަނީ ހުޅުމާލޭ ވޯޓަ ތީމް ޕާކުގެ އެއްބަސްވުން އުވާލައި އެތަން އަތުލުމުގެ ކަންތައް ހިނގަމުންދަނިކޮށް، ވޯޓަ ފްރޮންޓް ކުންފުނިން އެކަން ހުއްޓުވައިދިނުން އެދި ހުށަހަޅާފައިވާ މައްސަލައާ ގުޅިގެން ނެރުނު އަމުރެއްގައެވެ. މި އަމުރުގައި ހައިކޯޓުން ބުނެފައިވަނީ އެ މައްސަލަ ހައިކޯޓުން ބަލައި ނިމެންދެން އެ ކުންފުންޏަށް ފޮނުވާފައިވާ ސިޓީއަށް އަމަލު ކުރަން މަޑު ކުރަމަށެވެ.
ހުޅުމާލޭގައި ވޯޓާ ތީމް ޕާކެއް ތަރައްޤީ ކުރުމަށް ވޯޓާ ފްރަންޓް ކުންފުންޏާ ހަވާލުކުރީ 2017 ވަނަ އަހަރުއެވެ. މިމަޝްރޫޢުގެ މަސައްކަތް ކުރިއަށް ނުގޮސް ހުއްޓިފައިވާ ކަމުގެ ކަންބޮޑުވުން އެޗްޑީސީން ވަނީ ފާޅުކޮށްފައެވެ.