ސޯޝަލް މީޑިއާގައި އާންމުކުރި ފޮޓޯއަކާއެކު ގިނަ ބައެއްގެ ފާޑުކިޔުންތައް ކުރިމަތިވެފައިވާތީ ޝްރުތީ ވަނީ އެފަރާތްތަކަަށް ރައްދެއް ވެސް ދީފަ އެވެ. އެގޮތުން ބުނީ ޕްލާސްޓިކް ސާޖަރީ ހަދާފައިވާ ކަމަށާއި އަދި އެކަން ކުރީ އޭނާ ޕްލާސްޓިކް ސާޖަރީއާއެކު ދިރިއުޅެން ބޭނުންވާތީ ކަމަށެވެ.

އޭގެ އިތުރުން ޕްލާސްޓިކް ސާޖަރީ ހެދިކަމަށް އެއްބަސްވާން ވެސް ލަދު ނުގަންނަ ކަމަށް ޝްރުތީ ބުންޏެވެ. 

އެގޮތުން މާބޮޑަށް ފަލަކަމަށް ނުވަތަ ހިކި ކަމަށް ބުނެ ވެސް ދޭތެރެދޭތެރެއިން މީހުން ފާޑުކިޔާ ކަމަށާއި ނަމަވެސް މީހުން އޭނާއާ މެދު ދެކޭ ގޮތަކާއި މެދު ނުވިސްނާ ކަމަށް ވެސް ޝްރުތީ ބުންޏެވެ.

ތަމަޅަ ފިލްމުތަކުން ގިނަ ބައެއްގެ މަގްބޫލުކަން ހޯދާފައިވާ ޝްރުތީ ބޮލީވުޑުގެ ބައެއް ފިލްމުތަކުން ވެސް ފެނިފަ އެވެ. އެގޮތުން ހާންމޯޝި އާއި ތޭވަރު ފަދަ ހިންދީ ފިލްމުތަކުން އޭނާ ފެނިގެންދިޔަ އެވެ.