އަލްހާން މިރޭ ކުރެއްވި ވިދާޅުވެފައި ވަނީ އެމްޑީޕީ ހަރުގެތަކުގައި ޕީޕީއެމް ޖަލްސާ ބެލުމަކީ އޭނާ ހިތާމަ ކުރައްވާ ކަމެއް ކަމަށެވެ. އަދި އަލްހާން ވަނީ އެތަނުގައި ހުރި ޓީވީއެއްގައި ޕީޕީއެމުން މިހާރު ކުރިއަށްދާ ޖަލްސާ އަޅުވާފައި ހުރި ފޮޓޯއެއް ވެސް ހިއްސާކުރައްވާފަ އެވެ.
މިހާރު ކާނިވާ ސަރަހައްދުގައި ބާއްވަމުން އަންނަ ޖަލްސާގައި ގިނަ އަދަދެއްގެ މީހުން ވެސް ދަނީ ބައިވެރިވަމުންނެވެ. ޖަލްސާގައި ބައިވެރިވުމަށް އެ ޕާޓީގެ ޓިކެޓުގައި ކުރިއަށް އޮތް ލޯކަލް ކައުންސިލު އިންތިހާބުގައި ވާދަކުރާ ގިނަ ބަޔަކު ވެސް ބައިވެރިވެ އެވެ.
ޕީޕީއެމްގެ ޖަލްސާގައި ގިނަ ބަޔަކު ބައިވެރިވަމުން އަންނައިރު މިދިޔަ ހުކުރު ދުވަހު، އެމްޑީޕީން ބޭއްވި އެޕާޓީގެ ކެމްޕެއިން ލޯންޗު ކުރުމުގެ ހަފުލާ، ކާނިވާ ސަރަހައްދުގައި ގިނަ އަދަދެއްގެ ހުސް ގޮނޑި ހުރުމުން އިދިކޮޅުން ފާޑުކިޔުންތައް ކުރިމަތިކުރި އެވެ. ނަމަވެސް އެމްޑީޕީގެ ޖަލްސާ ވަނީ ހަމަ އެރޭ ރާއްޖޭގެ ހުރިހާ ރަށެއްގައި ވެސް ކުރިއަށް ގެންގޮސްފަ އެވެ.
