ސްނޭހާ އުއްލާލް:
ސްނޭހާ އުއްލާލް ފުރަތަމަ ފަހަރަށް ފެނުނީ ސަލްމާން ޚާންގެ "ލަކީ" އިންނެވެ. ބެލުންތެރިން ސިއްސައިގެން ދިޔައީ އައިޝްވާރިޔާ ރާއީ ބައްޗަން އާއި އޭނާގެ އާދަޔާ ހިލާފު ވައްތަރު ކަމުންނެވެ. އަހަރުތަކެއް ފަހުން ސްނޭހާ އެއްބަސްވީ އައިޝްވާރިޔާގެ ލޫކަލައިކްގެ ގޮތުގައި އޭނާ އިންޑަސްޓްރީއަށް ތައާރަފް ކުރުމަކީ ޕީއާރު ސްޓްރެޓެޖީއެއްގެ ގޮތުގައިކަމަށެވެ.
މަނާސީ ނާއިކް:
މަނާސީ ނައިކް ފިލްމީ ތަރި އައިޝްވާރިޔާ ރާއި ބައްޗަން އާއި ވައްތަރުވުމުން އޭނާގެ ފޭނުން ސިއްސުވާލިއެވެ. މަސާނީ އެންމެ ފުރަތަމަ މަޝްހޫރު ވެފައިވަނީ އޭނާގެ މޮޅު ނެށުމުގެ ހުނަރުގެ ސަބަބުންނެވެ.
އަމްރުތާ:
އަމްރޫތާގެ ވީޑިއޯ އިންޓަނެޓްގައި ވައިރަލްވީ ފިލްމު "ކަނދިކޯޑިއަން" އިން އައިޝްވާރިޔާގެ ޑައިލޮގްތައް މީސްމީޑިއާއަށް ދޫކުރަން ފެށުމުންވެ. އައިޝްވާރިއާއާއި ވައްތަރުކަމުން މަޝްހޫރުވި އަމްރުތާގެ އެތައް ހާސް ފޭނުންނެއްވެސް މިހާރު އެބަތިއްބެވެ.
މަހްލަގާ ޖަބެރީ
އައިޝްވާރިޔާއާ ވައްތަރު މީހުންތިބީ ހަމައެކަނި އިންޑިއާ އާއި ޕާކިސްތާނުގައި އެކަންޏެއް ނޫނެވެ. އީރާނުގައި ވެސް އައިޝްވާރިއާއާ ވައްތަރު މީހަކު ދިރިއުޅެއެވެ. އީރާނުގެމަހްލަގާ ޖަބެރީގެ ފޮޓޯތަކަށް ވެސް ވެސް ވަނީ އިންޓަނެޓުގައި ބޮޑު ތަރުހީބެއް ލިބިފައެވެ.
އާމްނާ އިމްރާން
ބިއުޓީ ބްލޮގަރެއް ކަމަށްވާ ޕާކިސްތާނުގެ އާމްނާ އިމްރާން ވެސް ގިނަ ބައެއްގެ ލޮލުގައި އަޅައިގަތީ އޭނާ އައިޝްވާރިއާ އާ ވައްތަރުކަމުންނެވެ. އާމްނާ އަކީ އައިޝްވާރިއާގެ ވަރަށް ބޮޑު ސަޕޯޓަރެއްވެސްމެއެވެ.
އާޝިތާ ސިންގް:
އާޝިތާ ސިންގް އަކީ އައިޝްވާރިއާ އެންމެ ވައްތަރު މީހާ ކަމަށް ގިނަބަޔަކު އެއްބަސްވެއެއެވެ. އާޝިތާ އަކީ އައިޝްވާރިޔާގެ "ކޮޕީއެއް" ކަމަށްވެސް ދެ މީހުންގެ ސަޕޯޓަރުން ވެސް ބުނެއެވެ.