ޑރ ޝަހީމް މިހެން ވިދާޅުވީ ރައީސް ޔާމީން މިނިވަން ކުރުމަށާއި ރިޔާސީ އިންތިހާބަށް ތައްޔާރުވުމަށް ކުރަންޖެހޭ މަސައްކަތްތައް ތަރުތީބުކުރުމަށް އިދިކޮޅު ޕީޕީއެމް - ޕީއެންސީ ކޯލިޝަނުން އިއްޔެފެށި "ހޯޕް ކޮންފަރެންސް" ގައި ވާހަކަ ދައްކަވަމުންނެވެ.
ދަރުބާރުގޭގައި ކުރިއަށްދާ މި ކޮންފަރެންސްގައި ވާހަކަ ދައްކަވަމުން ކުރީގެ އިސްލާމިކް މިނިސްޓަރު އަދި އިސްލާމިކް ޔުނިވަރސިޓީގެ ކުރީގެ ޗާންސެލަރު ޑރ ޝަހީމް ވިދާޅުވީ އިދިކޮޅު ބޭނުންވަނީ ރައީސް ޔާމީން އަލުން ވެރިކަމަށް ގެނައުމަށް ކަމަށެވެ.
އަދި އިދިކޮޅު ކެންޑިޑޭޓަކީވެސް ރައީސް ޔާމީން ކަމަށާއި އިދިކޮޅު ލީޑަރޝިޕް ރައީސް ޔާމީނަށް ވަފާތެރިވާނެކަމަށާއި ހިޔަނާތްތެރި ނުވާނެކަމަށް ޝަހީމް ވިދާޅުވިއެވެ.
ޝަހީމް އިތުރަށް ވިދާޅުވީ ރައީސް ޔާމީން މިނިވަންވާނެކަމުގެ އުއްމީދު އެބައޮތް ކަމަށާއި ރައީސް ޔާމީން މިނިވަންކޮށް ރިޔާސީ އިންތިހާބުގައި ވާދަކުރެވެންޖެހޭނެ ކަމަށެވެ.