ރިޕޯޓްތައް ބުނާ ގޮތުން މެސީވަނީ އާޖެންޓީނާ ޓީމުގައި ހިމެނުނު 35 މެންބަރުންގެ ކުރެ ކޮންމެ މެންބަރަކަށް އައިފޯން 14 އެއް ހަދިޔާއަކަށް ދީފައެވެ. މިއިން ކޮންމެ ފޯނެއްގައި އެމީހެއްގެ ނަމާއި ނަންބަރު އަދި އޮފިޝަލެއް ނަމަ މަގާމް ވަނީ ކަނޑާ ނަގާފައެވެ.
މިއިން ކޮންމެ ޑިވައިސެއްވެސްވަނީ 24 ކެރެޓު ރަނުން ޖަރީކޮށްފައެވެ. މީގެ ޖުމްލަ އަގު 175000 ޕައުންޑަށް އަރާނެ ކަމަށް ރިޕޯޓްތައް ބުނެއެވެ.
ރިޕޯޓްތައް ބުނާ ގޮތުން މެސީ ބޭނުންވީ ވޯލްޑްކަޕްގެ ކާމިޔާބީ ފާހަގަކޮށް ކޮންމެ ޓީމު މެންބަރަކަށް ތަފާތު ހަދިޔާއެއް ދޭށެވެ. އެހެންކަމުން މިކަމަކީ ސީދާ މެސީގެ ހިޔާލެއް ކަމަށްވެސް ބައެއް ރިޕޯޓްތައް ބުނެއެވެ.
ގަތަރުގައި މިދިޔަ އަހަރު ފަހުކޮޅު އޮތް ވޯލްޑްކަޕް މުބާރާތުގެ ޗެމްޕިއަންކަން އާޖެންޓީނާއިން ހޯދީ ފްރާންސް ބަލިކޮށްގެނެވެ. މެސީއަކީ އެ މުބާރާތުގެ މޮޅު ކުޅުންތެރިޔާވެސް މެއެވެ.
