އެކްޓަރުގެ ލޫކާއި މެދު ސޯޝަލް މީޑިއާގައި ބަހުސްތަކެއް އުފެދިފައިވާއިރު، ބައެއް މީހުން އޭނާގެ ކެރުންތެރިކަމަށް ވަނީ ތައުރީފުކޮށްފައެވެ.
އަނެއް ބަޔަކު ދަނީ ސިކުންގެ ސުލޫކީ މިންގަނޑު މުގުރާލި ކަމަށް ބުނެ ފާޑުކިޔަމުންނެވެ.
ސިކުންގެ ދީނަށް އުޅޭ މި ލިވަކިއުންތެރިއާ ވަނީ ފަގުޑިނާޅާ ފިލްމެއް ނުހަދާނެ ކަމަށް ބުނެފަ އެވެ. ނަމަވެސް މިހާރު އޭނާގެ ވިސްނުން ބަދަލުވެ "އާޓްގެ ހައްގުގައި ކޯޑް މުގުރާލަން ތައްޔާރުކަމަށް" ވަނީ ބުނެފައެވެ.
އިމްތިޔާޒް އަލީ ޑައިރެކްޓް ކުރާ މި ފިލްމަކީ 1980 ގެ އަހަރުތަކުގެ ޕަންޖާބީ ލަވަކިޔުންތެރިންގެ ތެރެއިން އެންމެ މަގުބޫލު އެއް ލަވަކިޔުންތެރިޔާ ކަމަށްވާ ޗަމްކިލާގެ ހަޔާތުގެ މައްޗަށް ބިނާކޮށް އުފައްދާފައިވާ ފިލްމެކެވެ. އޭނާގެ އަންހެނުންނާއި އިތުރު ދެމީހަކާއެކު އޭނާ ވަނީ 1988 ވަނަ އަހަރު ބަޑިޖަހައި މަރާލާފައެވެ.
މި ފިލްމު ނެޓްފްލިކްސް އިން ރިލީޒް ކުރުމަށް ހަމަޖެހިފައިވަނީ 2023 ވަނަ އަހަރު އެވެ.