ފުލުހުން ބުނީ ރޭ 21:50 ހާއިރު އެރަށު ހޮޓަލެއްތެރޭ ދެމީހަކު ޒުވާބުކޮށް ތޫނު އެއްޗަކުން ހަމަލާ ދީފައިވާކަމުގެ ރިޕޯޓެއް ލިބުނުކަމަށެވެ.

ފުލުހުން އެސަރަހައްދަށް ދިޔައިރު އަނިޔާ ލިބުނު 31 އަހަރުގެ ބަންގްލަދޭޝް ފިރިހެނަކު ވަނީ ހެލްތު ސެންޓަރަށް ގެންގޮސްފައި ކަމަށާއި  މައްސަލައިގައި ތުހުމަތު ކުރެވޭ އަނެއް މީހާއަށްވެސް އަނިޔާ ލިބިފައިވާތީ ފުލުހުންގެ އެހީތެރިކަމާއެކު އޭނާ ޑޮކްޓަރަށް ދައްކާފައިވާކަމަށް ފުލުހުން ބުނެ އެވެ.

މިދެމީހުންނަށް އެކިވަރުގެ އަނިޔާ ލިބިފައިވެއެވެ. އަދި ފުލުހުން ދަނީ މި މައްސަލަ ތަހުގީގުކުރަމުންނެވެ.