ޑޮމެސްޓިކް އެއާޕޯޓަށް ދިޔަ ދިވެއްސެއްގެ ލަގޭޖުން 5 ކިލޯގެ ޑްރަގްސް އަތުލައިގަނެ އެމީހާ ހައްޔަރުކޮށްފިއެވެ.
Advertisement
މި މައްސަލާގައި ހައްޔަރުކޮށްފައިވަނީ އުމުރުން 32 އަހަރުގެ ދިވެހި ފިރިހެނެކެވެ. މީނާގެ ބަންދަށް ކްރިމިނަލް ކޯޓުން ވަނީ 15 ދުވަހުގެ މުއްދަތެއް ޖަހާދީފައެވެ.
މީނާގެ ބަންދުގެ އަމުރުގައިވާ ގޮތުން މި މީހާ ވަނީ މި ލަގޭޖް އެއާޕޯޓްގެ އިންޓާނޭޝަނަލް ޓާމިނަލުން އަތޮޅުތެރެއަށް ފުރާ ޑޮމެސްޓިކް ޓާމިނަލަށް ގެންގޮސްފައެވެ. އަދި އޭނާގެ އަމުލުތައް އެއާޕޯޓްގައި އަމަލުކުރަން ޖެހޭ އުސޫލްތަކާއި ހިލާފަށް ހުރިކަމަށާއި އެނާގެ ލަގޭޖް ބެލިއިރު އޭގެތެރެއިން 5 ކިލޯގެ ޑްރަގްސް ފެނިފައިވާކަމަށްވެސް ކޯޓް އަމުރުގައިވެއެވެ.
އެހެންނަމަވެސް މި ތުހުމަތުތަކަށް އޭނާ ވަނީ ކޯޓްގައި އިންކާރުކޮށްފައެވެ. އޭނާ ބުނީ އެ ލަގޭޖްއަކީ މީހަކު ބުނެގެން ބަލާ ދިޔަ އެއްޗެއްކަމަށާއި އޭގެ ޑްރަގްސް ހުރިކަން ނޭގޭކަމަށެވެ.
