ކަރެކްޝަންސް އިން އިއްޔެ ހާމަކުރި ތަފާސްހިސާބުތައް ދައްކާގޮތުގައި 1241 ފަހަރު އާއްމު ބަލިތަކަށް ގައިދީން ޑޮކްޓަރަށް ދައްކަން އެދުނު އިރު މީގެ ތެރެއިން 94 ޕަސެންޓު ވަނީ ޑޮކްޓަރަށް ދައްކާދީފައެވެ.
މީގެ އިތުރުން ސްޕެޝަލިސްޓު ޑޮކްޓަރުންނަށް ދެއްކުމަށް 144 ފަހަރު ގައިދީން އެދިފައިވެއެވެ. ޖެނުއަރީ އަދި ފެބްރުއަރީ މަހު ދައްކަން ލަފާދެވުނު މީހުންނާއެކު ޖުމުލަ 230 ސްޕެޝަލިސްޓު ކޮންސަލްޓޭޝަން ހަމަޖައްސައިދީފައިވާކަމަށް ކަރެކްޝަންސް އިން ބުނެއެވެ.
ސްޕެޝަލިސްޓުންނަށް ދެއްކުނު މީހުންގެ ތެރެއިން އެންމެ ގިނަ މީހުން ދެއްކިފައިވަނީ އޮޕަރޭޝަން ޑޮކްޓަރުންނަަށެވެ. މިއަށްފަހު އެންމެ ގިނަ މީހުން ދެއްކުނީ ދަތުގެ ޑޮކްޓަރުންނަށާއި ކަށީގެ ޑޮކްޓަރުންނަށެވެ.
ގައިދީން ހާއްސަ ބަލިތަކުގެ ޑޮކްޓަރުންނަށް ދެއްކުމަށް އުނދަގޫތަކެއް ހުރިކަމަށް މިދިޔަ އަހަރު ސަރުކާރުން ނެރުނު ޖަލުތަކުގެ އޮޑިޓްގައި ފާހަގަކޮށްފައިވެއެވެ.
