އެމްއޭސީއެލް އިން ބުނީ މި ދެ ޗެކް ޕޯސްޓާއެކު އެއާޕޯޓުގެ ސަލާމަތާއި ރައްކާތެރިކަން އިތުރަށް ކަށަވަރުވެގެންދާނެ ކަމަށެވެ. އަދި މިއީ ނުގަވާއިދުން މަސްތުވާތަކެތި އެތެރެވުމަށް ހުޅުވިފައި ހުރި ދޮރުތައް ބަންދު ކުރުމަށް ލިބޭ ވަރަށް ބޮޑު ފުރުސަތެއް ކަމަށެވެ.
މި ޕޯސްޓް ހުޅުވައިދެއްވީ އެމްއޭސީއެލްގެ މެނޭޖިންގ ޑިރެކްޓަރު އަދި ސީއީއޯ އިބުރާހިމް ޝަރީފް މުހައްމަދުއެވެ. މި ޗެކް ޕޯސްޓް ހުޅުވުމުގެ ރަސްމިއްޔާތަށްފަހު ޝަރީފް މީޑިއާ އާއި ބައްދަލު ކުރައްވައި ވިދާޅުވީ، މި ގާއިމު ކުރެވުނު ޗެކް ޕޯސްޓް ތަކަކީ ވަރަށް ޒަމާނީ ޗެކް ޕޯސްޓް ތަކެއް ކަމަށާއި، އެއާޕޯޓްގެ ސަލާމަތާއި ރައްކާތެރިކަމަށް އެޅުނު ވަރަށް ބޮޑު ފިޔަވަޅެއް ކަމަށް ޝަރީފް ވަނީ ވިދާޅުވެފަ އެވެ.
އެއާސައިޑަށް ވަންނަން ހުންނަ ޗެކްޕޯސްޓްތައް އިތުރު ކުރުމަކީ އެހާ ރަނގަޅު ކަމެއް ނޫންކަން ފާހަގަކުރައްވާ ޝަރީފު ވިދާޅުވީ އެއަރޕޯޓުގެ އެއަރސައިޑުގައި ކުރާ މަސައްކަތްތަކަށް ދަތިނުވާވަރަށް ތަންތަން ހުންނަން ޖެހޭނެ ކަމަށެވެ.
