ސީއެންއެމް މައުލޫމާތު ދެއްވަމުން ކަރެކްޝަން ސާވިސްގެ މީޑިއާ އޮފިޝަލް އައިމިނަތު ޔުސްރީން އަހުމަދު ވިދާޅުވީ އައްސޭރި ޖަލުގައި މަސައްކަތްކުރާ އޮފިސަރުންނާއި މުވައްޒަފުން ޑިއުޓީ ނިންމާ ޗުއްޓީއަށް ނުވަތަ އޮފަށް ދިއުން މަނާކުރީ ކޮވިޑް-19 އަށް ޖަލުގައި ތިބި ގައިދީންގެ ސަލާމަތާއި ރައްކާތެރިވުމަށް އަޅާ ފިޔަވަޅެއްގެ ގޮތުން ކަމަށެވެ.
އެހެންކަމުން ޑިއުޓީ ނިންމާ ރަށުތެރޭގައި އުޅުން ފުރުސަތު ކުޑަކުރުންކަމަށް ވިދާޅުވިއިރު ވައިރަހަށް ޝައްކުކުރެވޭ ފަރާތްތައް މޮނިޓާކުރަމުންދާކަމަށް ޔުސްރީން ވިދާޅުވި އެވެ.
ނަމަވެސް އަހަރީ ޗުއްޓީއަށްދާ އޮފިސަރުންނާއި މުވައްޒަފުން މިހާލަތުގައި އިސްތިސްތާނާ ވާނެކަމަށްވެސް ޔުސްރީން ވާހަކައިގައި ފާހަގަކުރެއްވި އެވެ.
ކޮވިޑް-19އާ ގުޅިގެން އައްސޭރި ޖަލުގައި މަސައްކަތްކުރާ މުވައްޒަފުން ރަށުން ބޭރަށް ދިއުން މަނާކޮށްފައިވާއިރު ރައްކާތެރިވުމަށް ޖަލުތަށް ޑިސްއިންޕެކްޓްކުރުމާއި ޑިއުޓީ ކުރާ އޮފިސަރުންގެ ހުން ބެލުމުގެ މަސައްކަތް ކަރެކްޝަނުން އަންނަނީ ކުރަމުންނެވެ. އަދި ޖަލުތަކުގައި އެކަހަރި ބައްދަލުވުން މެދުކަނޑާލައި ވީޑިއޯ ކަންފަރެންސް މެދުވެރިކޮށް ބައްދަލުވުންތައް ބާއްވަން ވެސް ވަނީ ފަށާފަ އެވެ.
