މިއަދު ޖޭއެސްސީ އިން ނެރެފައިވާ ބަޔާނެއްގައި ބުނެފައިވަނީ މިއަދު ބޭއްވުނު ޖަލްސާއެއްގައި ސުޕީރިއާ ކޯޓުތަކާއި އިސްތިއުނާފީ މަރުހަލާ ކޯޓުތަކުން ޝަރީއަތްތައް ހިންގާނެގޮތުގެ އުސޫލުތަކެއް އެކުލަވާލުމަށްފަހު އެއުސޫލުތަކާއި އެއްގޮތަށް ކުރިއަށް ގެންދިޔުމަށް އެދި ދަންނަވަން ކޮމިޝަނުން ނިންމާފައިވެއެވެ.
އަދި މީގެ އިތުރުން މެޖިސްޓްރޭޓް ކޯޓުތަކުން މިމުއްދަތުގައި އަމަލުކުރާނެ ގޮތުގެ އުސޫލު އިސް މެޖިސްޓްރޭޓުންނާ މަޝްވަރާ ކުރުމަށްފަހު އެކުލަވާލުން ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނަށް އެންގުމަށްވެސް ނިންމާފައިވެއެވެ.
ޖޭއެސްސީއިން ވަނީ ކޯޓުތަކުން އާންމުކުރާ އުސޫލުތަކާއި އެއްގޮތަށް މަސައްކަތްކުރެވޭނޭ މަގު ފަހިކޮށްދީ އިންތިޒާމްތައް ހަމަޖައްސައިދިނުމަށާއި ފަނޑީޔާރުންނާއި ކޯޓުގެ މުވައްޒަފުންގެ ސަލާމަތަށް އަޅަންޖެހޭ ފިޔަވަޅުތައް އަޅާ ރައްކާތެރި މާހައުލެއް ގާއިމުކޮށްދިނުމަށާއި އިދާރީ ކަންކަން ރޭވައިދޭން ޑީޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގައި ދެންނެވުމަށްވެސް ނިންމަވާފައެވެ.
