ރައީސް ޔާމިން އިސްތިއުނާފުގެ ޝަރީއަތް ދިގުލައިގެންދާތީ އެކަމާ ކަންބޮޑުވުން ފާޅުކުރަމުން އިދިކޮޅު ކޯލިޝަނުން އެޕާޓީގެ އޮފީހުގައި ރޭ ބޭއްވި ޖަލްސާގައި އަބްދުރަހީމް ވިދާޅުވީ ރައީސް ޔާމިންގެ ޝަރީއަތަށް މި ސަރުކާރުން ނުފޫޒު ފޯރުވާ އެމަނިކިފާނު ޖަލުގައި ދުވަސްތައް ހޭދަކުރުމަށް ބާރު އަޅާ ގޮތަށް ކަންކަން ބައްޓަންކުރަމުންދާ ތަން ފެންނަ ކަމަށެވެ.
އެގޮތުން ރައީސް ޔާމިންގެ ސިޔާސީ ކުރިމަގު ހަލާކު ކުރުމަށް މި ސަރުކާރުން އަންނަނީ ކެނޑިނޭޅި މަސައްކަތްކުރަމުން ކަމަށާއި އަދި އެމަނިކުފާނަށް ޒާތީ ހަސަދަ ފިލުވަމުންދާކަމަށް ވެސް އަބްދުރަހީމް ވަނީ ތުހުމަތު ކުރައްވާފަ އެވެ.
އޭނާ ވިދާޅުވީ ސިއްހީ ކުލި ނުރައްކަލުގެ ހާލަތުގައި ވެސް ނުހިފެހެއްޓޭނެ ހައްގުތަކެއްވާއިރު އަދުލުވެރިކަމާއެކު ޝަރީއަތްކުރުމާއި، އިންސާފު ހޯދައިދުނުމާ، މީހުންގެ ހައްގުތައް ރައްކާތެރިކުރުމަށް ދިވެހި ރާއްޖޭގެ ގާނޫނު އަސާސީގައި ބުނެފައިވާ ކަމަށެވެ.
ސިއްހީ ކުއްލި ނުރައްކަލުގެ ހާލަތުގައި ވީޑިއޯ ކޮންފަރެންސްކޮން ރައްޔިތުންގެ މަޖިލިސް ކުރިއަށް ގެންވޭކަމަށްވާނަމަ ރައީސް ޔާމިންގެ ޝަރީއަތް ވީޑިއޯ ކަންފަރެންސްކޮށް ބޭއްވެން ޖެހޭ ކަމަށް ވެސް ވިދާޅުވި އެވެ. އަދި އެމަނިކުފާނަށް ގެއްލިފައިވާ ހައްގުތައް ހޯދައިދީ އިންސާފުވެރި ޝަރިއަތެއް ބޭއްވުމަށް ސަރުކާރަށް ގޮވާލާކަމަށް އަބްދުރަހީމް ވިދާޅުވި އެވެ.