އެމަނިކުފާނު މިހެން ވިދާޅުވީ މާކަނާ ޝޯ އުފައްދާ ސެލްމިން އެނިމޭޝަން ސްޓޫޑިއޯއިން އާއްމުކުރި އެނިމޭޝަނެއް އެކްސްގައި ހިއްސާކުރައްވަމުންނެވެ.
ޔާމީން ރަޝީދުގެ ސެލްމިން އިން ދޫކޮށްކާފައިވާ ވީޑިއޯގެ ނަމަކަށް ދީފައިވަނީ "ފުރާނައަކީ އަގުހުރި އެއްޗެއް، ރައްކާތެރިކަމާއެކު ދުއްވާ" މިހެންނެވެ.
ކުޑަކުޑަ މި ވީޑީއޯގައި ދެނީ ވަރަށްވެސް މުހިއްމު މެސެޖެއެކެވެ. ބަލާ ނުލާ ބާރު ސްފީޑުގައި ދުއްވުމުން ކޮންމެ ފަދަ އެއްޗެއްވެސް ތިމާގެ އިހްމާލުން ގެއްލިދާނެކަމުގެ މެސެޖްއެވެ.
މި ވީޑީއޯ ޝެއާ ކުރައްވާ ރައީސް ޑރ. މުއިއްޒު އެކްސްގައި ކުރެއްވި ޕޯސްޓްގައި ގޮވާލެއްވީ މަގުތަކުގެ ރައްކާތެރިކަމަށް ގުޅިގެން މަސައްކަތް ކުރަމަށެވެ.
ދާދި ފަހުން މާލޭ ސަރަހައްދުގައި ހިނގި ދެ އެކްސިޑެންޓްެއްގައި ވަނީ ދެ ޒުވާނަކު ނިޔާވެފައެވެ. އެ ދެ ހާދިސާއަށް ފަހު މަގުތަކުގެ ރައްކާތެރިކަމަށް މުހިއްމު ފިޔަވަޅުތަކެއް އަޅަން ސަރުކާރުން ވަނީ ފަށާފައެވެ. އަދި މަގުތަކުގައި 24 ގަަޑިއިރު ފުލުހުން ފޯރިވެސް މަރަން ވަނީ ފަށާފައެވެ.
