މިއީ، ބޯޑިން ސްކޫލެއް ގޮތަށް ފުޓްބޯޅަ އަށް ހާއްސަ ސްކޫލެއް ހެދުމަށް އެފްއޭއެމުން ހިންގަން އުޅުނު ޕްރޮޖެކްޓެކެވެ. މި ޕްރޮޖެކްޓަށް ބިން ހޯދައި އެކޮމެޑޭޝަން އިމާރާތެއް އެފްއޭއެމުން އެތަނުގައި ހެދި އެވެ. އެ ތަން ހިންގަން ރެއާލް މެޑްރިޑްގެ ކުރީގެ ޑިފެންޑަރު މިޝޭލް ސަލްގާޑޯއާ އެކު ކުރިން ޕްލޭނެއްވެސް ހެދިއެވެ. އެކަމަކު، ފުޓުބޯޅަ ސްކޫލާ ގުޅޭ އެއްވެސް ކަމެއް އެތަނުގައި ނުކުރެއެވެ. ފަހުން ފެނުނީ އެ ބިމުގެ ބައެއް ތަންތަން ވިޔަފާރިތަކަށް ކުއްޔަށް ދޫކުރި ތަނެވެ.
އެފްއޭއެމްގެ ބެލުމުގެ ދަށުގައި އޮތް ބިން އަނބުރާ އެޗްޑީސީ އަށް ނެގި ކަން އެ ކުންފުނިން އަންގާފައިވަން އެފްއޭއެމްގެ ނޯމަލައިޒޭޝަން ކޮމިޓީންވެސް ޔަގީންކޮށްދިނެވެ. ބައްސާމަށް އެޑްރެސްކޮށް އެޗްޑީސީން ފޮނުވި ސިޓީގައި ވާހަކަތައް ނޫސްވެރިންނާ ހިއްސާ ކުރައްވަމުން ޒުހޫރު ވިދާޅުވީ، އެ ބިމުގެ ކުލީގެ ގޮތުގައި 8 މިލިއަން ރުފިޔާ އެޗްޑީސީ އަށް ދައްކަން ޖެހެ އެވެ.
