Advertisement

ސިފައިން ބުނީ މާލެއަށް ބޯކޮށް ވާރޭ ވެހި ބައެއް މަގުތަކުގައި ފެންބޮޑުވުމާ ގުޅިގެން، ފެން ހިންދުމުގައި އެމްއެންޑީއެފް ފަޔާ އެންޑް ރެސްކިޔު ސާވިސްގެ ސިފައިން ހަރަކާތްތެރިވަމުންދާ ކަމަށެވެ.

ރާއްޖެ އަށް އަނެއްކާވެސް މޫސުން ގޯސްވެފައިވާއިރު، މެޓް އޮފީހުން ވަނީ މިރޭ 9:45 އާއި ހަމައަށް، ކ .އަތޮޅުން އައްޑޫ ސިޓީއާ ހަމައަށް ވައިޓް އެލާޓް ނެރެފަ އެވެ.

މެޓް އޮފީހުން ބުނީ މިހާރު ރާއްޖެއަށް ކުރަމުން މިދަނީ މޫސުމީ ވިއްސާރައެއް ކަމަށެވެ.

މެޓްގެ ސެޓްލައިޓް ފޮޓޯތަކުން ފެންނަ ގޮތުގައި، މި ވަގުތު މެދުރާއްޖެތެރެ އާއި ދެކުނުގެ އަތޮޅުތަކުގެ މަތީގައި ގިނަ އަދަދަކަށް ވާރޭ ވިލާ ވަނީ އުފެދިފަ އެވެ. ލަފާކުރެވޭ ގޮތުގައި، މި މަހުގެ ބާކީ އޮތް ދުވަސްތަކުގައި ރާއްޖޭގެ ބޮޑު ބަޔަކަށް ކެރީގެ އަސަރު ކުރާނެ އެވެ.