ރޭ އެސްޕަންޔޯލް އަތުން ރިއާލް މޮޅުވީ ހަތަރު ލަނޑު އެއް ލަނޑުންނެވެ. ރެއާލްގެ ސެންޓިއާގޯ ބާނެބެއުގައި ކުޅުނު މެޗުގެ މެޗުގައި އެސްޕަންޔޯލް އިން ލީޑްނެގީ ރެއާލްގެ ކީޕަރު، ތިބައުޓް ކޯޓުއާ އަތުން ބައިކޮލަށް ވަތް ގޯލަކުންނެވެ. އޭގެ ހަތަރު މިނެޓުފަހުން، ރެއާލުން އެއްވަރުކުރި ލަނޑަކީ އެސްޕަންޔޯލްގެ ކީޕަރު، ގާސިއާ އަށް ހެދުނު ގޯހެއްގެ ފައިދާނަގައި ޑަނީ ކަރްވަހާލް ކާމިޔާބުކުރި ގޯލެކެވެ.
ރެއާލުން ފުރަތަމަ ފަހަރަށް ލީޑްނެގީ ރޮޑްރީގޯ ކާމިޔާބުކުރި ގޯލުންނެވެ. އަނެއް ދެ ލަނޑު ޖެހީ ކީލިއަން އެމްބާޕޭ އަދި ވިނީޝިއުސް އެވެ. އެމްބާޕޭގެ ލަނޑަކީ ޕެނަލްޓީއަކުން އޭނާ ޖެހި ލަނޑެކެވެ.
މި ނަތީޖާއާއެކު ރެއާލުން ވަނީ ތާވަލްގެ އެންމެ ކުރީގައި އުޅޭ ބާސެލޯނާއާ އެއްޕޮއިންޓާ ގާތަށް ޖެހިލައިފައެވެ. އެއްވަނައިގައި އުޅޭ ބާސެލޯނާ އަށް ފަސް މެޗުން 15 ޕޮއިންޓް ލިބިފައިވާއިރު، ރެއާލް ދެވަނައިގައި އޮތީ ހަ މެޗުން 14 ޕޮއިންޓް ހޯދައިގެންނެވެ.
