ފޮޓޯ ގްރާފަރެއްގެ ގޮތުގައި މަސައްކަތް ކުރި އުމުރުން 62 އަހަރުގެ ނޫސްވެރިޔާ އިބްރާހީމް ޖައުފަރު މަރުވެ އޮޔާ ދަނިކޮށް ފެނުނީ އިއްޔެ ހަވީރު 5:06 ގައި ކަމަށް ފުލުހުން ބުނެއެވެ. އޭނާ ފެނިފައިވަނީ މާލޭ އުސްފަސްގަނޑާ ދިމާލުން ކަމަށް ފުލުހުން ބުނެއެވެ.
މަރުވެ އޮޔާދަނިކޮށް ފެނުމުގެ ކުރިން އިއްޔެ 15:04 ހާއިރު ޖައުފަރު ވަނީ ބްރިޖް ކައިރިން މަސްބާނަން ފައިބައިފައިކަމަށް މިހާަތަނަށް ހޯދިހޯދުމުމުން އެނގިފައިވާކަމަށް ފުލުހުން މިއަދު މައުލޫމާތުދިނެއެވެ.
ފުލުހުން ބުނީ ޖައުފަރުގެ ހަށިގަނޑު މޫދުން ނަގައިގެން ހޮސްޕިޓަލަށް ގެންދިޔައިރުވެސް މަރުވެފައިވާކަމަށެވެ.
ޖައުފަރަކީ އެކި މީޑިއާތަކުގައި ފޮޓޯ ގްރާފަރެއްގެ ގޮތުގައި މަސައްކަތް ކުރި ނޫސްވެރިއެކެވެ. 2005 ވަނަ އަހަރުގެ ރާއްޖެގައި ފެށުނު އިސްލާހީ ހަރަކާތްތަކުގެ ދުވަސްވަރު ހިނގި ކަންކަމުގެ ފޮޓޯ ނެގުމުގައި ޖައުހަރީ ހަރަކާތްތެރިވިއެވެ. އަދި އޭރު އެތައް ފަހަރަކު އޭނާ ބަންދުވެސްކުރިއެވެ.
