މި ޕްރޮމޯޝަނަކީ އުރީދޫގެ 5ޖީ ޓެކްނޮލޮޖީ ފާހަގަކުރުމުގެ ގޮތުން ކުރިއަށްގެންދާ ހާއްސަ ޕްރޮމޯޝަނެކެވެ.
އުރީދޫގެ އާ ކަސްޓަމަރުންނަށް މި ޕްރޮމޯޝަނުގައި ބައިވެރިވެވޭނީ އުރީދޫގެ ހިދުމަތެއް ހޯދުމަށް 400 ރުފިޔާ ހަރަދުކޮށްގެންނެވެ. މީގެ އިތުރުން، މިހާރުގެ ކަސްޓަމަރުންނަށް ވެސް ޕްރިޕެއިޑް ރީޗާޖު ކުރުމުން، ޕޯސްޓްޕެއިޑް އަދި ސުޕަނެޓް ބިލު ދެއްކުމުން، ނުވަތަ ޑޭޓާ ޕެކޭޖެއް އެކްޓިވޭޓް ކުރުމުން މި ޕްރޮމޯޝަނުގައި ބައިވެރިވެވޭނެއެވެ.
މި ޕްރޮމޯޝަނުގެ ދަށުން ކޮންމެ ތިން ދުވަހަކުން އެއްފަހަރު ގުރުއަތުލައި، ނަސީބުވެރި ކަސްޓަމަރަކަށް ސައިކަލެއް ލިބޭނެއެވެ. މި ޕްރޮމޯޝަނުގައި ހިމެނޭ ސައިކަލުތަކުގެ ތެރޭގައި އެއާ ބްލޭޑް 125 އާއި 160، އަދި ޕީސީއެކްސް 160 ހިމެނެއެވެ. އަދި މުޅި ޕްރޮމޯޝަނުގެ އެންމެ އަގުހުރި އިނާމުގެ ގޮތުގައި ހޮންޑާ ރެބެލް ސައިކަލެއް ހިމަނާފައިވެއެވެ.
މި ޕްރޮމޯޝަން ކުރިއަށްދާނީ މި އަހަރުގެ ޑިސެންބަރު މަހުގެ 31 ވަނަ ދުވަހުގެ ނިޔަލަށެވެ. އުރީދޫއިން ބުނެފައިވަނީ މި ޕްރޮމޯޝަނަކީ ރާއްޖޭގެ އެކި ކަންކޮޅުތަކުގައި ދިރިއުޅޭ މުޖުތަމަޢުތަކަށް ހަލުވި ސްޕީޑާއި ދަށް ލެޓެންސީއެއް ފޯރުކޮށްދޭ 5ޖީ ޓެކްނޮލޮޖީ ފާހަގަކުރުމުގެ ގޮތުން ކުރިއަށްގެންދާ ޕްރޮމޯޝަނެއް ކަމަށެވެ.
