އެ ކޮމިޝަނުން މި ލަފާ ހިމަނާފައިވަނީ މިއަދު ނެރުނު "ސިއްހީ ވެލްފެއާ ނިޒާމުގެ ކޮރަޕްޝަން ރިސްކް އެސެސްމަންޓް" ގައެވެ.
އޭސީސީން ބުނީ ބައިނަލްއަގުވާމީ މިންގަނޑަށް ބަލާއިރު ސަރުކާރުގެ ހޮސްޕިޓާތަކުގައި މަސައްކަތްކުރާ ޑޮކްޓަރުން އަމިއްލަ ހޮސްޕިޓާތަކާއި ކްލިނިކްތަމުގައި މަސައްކަތްކުރުމާ ގުޅޭ އެއްވެސް ގަވައިދެއް ރާއްޖޭގައި ނެތްކަމަށެވެ. އެފަދަ ގަވައިދެއް ނެތުމުން މަސްލަހަތު ފުށުއެރުމާއި ޑޮކްޓަރުން ބަލި މީހަކަށް ހޭދަކުރާ ވަގުތު އަދި ޑޮކްޓަރުންގެ ހިދުމަތް މޮނީޓާކޮށް އިވެލުއޭޓްކުރުމުގެ މަސައްކަތް އެންމެ ފުރިހަމައަށް ބެލެހެއްޓެމުން ނުދާކަމަށް އެސީސީގެ އެސެސްމަންޓްގައި ވެެއެވެ.
މިފަދަ ގަވައިދެއް ނެތުނުމުން އެކަމުގެ ސަބަބުން ނާޖައިޒު މަންފާ ހޯދައި ލިބިގަތުމަށް މަގު ފައިވާކަމެއްކަމަށް އޭސީސީން ބުނެއެވެ. އެހެންކަމުން ސަރުކާރު ހޮސްޕިޓާތަކުގައި މަސައްކަތްކުރާ ޑޮކްޓަރުން އަމިއްލަ ހޮސްޕިޓަލްތަކާއި ކްލިނިކްތަކުގައި މަސައްކަތްކުރުމާ ގުޅޭ ގައިޑްލައިނެއް ހަދަން އޭސީސީގެ އެސެސްމެންޓްގައި ވަނޯ ލަދާފީފައެވެ.
އޭސީސީގެ އެސްމަންޓްގައި ބުނީ ސިއްހީ ހިދުމަތް ފޯރުކޮށްދިނުމުގައި، ރާއްޖޭގައި ވަށާޖެހޭ ފުރިހަމަ ނިޒާމަކަށް ބޭނުންވާ މުހިންމު ގިނަ ގަވާއިދުތައް ނެތްކަމަށެވެ. އެގޮތުން ބައެއް ގަވައިދުތައް ވަނީ ފާހަގަކޮށްފައެވެ.
ރާއްޖެއަށް ބޭނުންވާކަމަށް އޭސީސީން ފާހަގަކުރާ ބައެެއް ގަވައިދުތައް
- ބަލި ދެނެގަތުމުގެ ކަންކަމާ ގުޅޭ ގަވައިދު
- ހިދުމަތްދޭ އަމިއްލަ ތަންތަނުން އަގު ކަނޑައެޅުމުގެ އުސޫލު
އޭސީސީން ބުނީ ސިއްހީ ދައިރާ އާ ގުޅުން ހުރު ގަވައިދުތައް ނެތުމުން ކޮރަޕްޝަނުގެ އަމަލެއް ހިންގުމަށް މަގުފަހިވާކަމަށެވެ. އެގޮތުން އާސަންދައިން އަވަހަށް ހިދުމަތްތައް ފޯރުކޮށްދިނުމަށް ހުރަސްއެޅ،ި މަސައްކަތާއި ހިދުމަތް އަވަސްކުރަން ކޮރަޕްޝަނުގެ އަމަލެއް ހިންގުމަށް މަގުފަހިވާކަން އޭސީސީން ވަނީ ފާހަގަކޮށްފައެވެ.
