ޑެޕިއުޓީ މިނިސްޓަރު ސާއިދު ދައުލަތުގެ މީޑިއާ އަށް ވާހަކަ ދައްކަވަމުން ވިދާޅުވީ އާސަންދައަކީ ދިވެހި ރައްޔިތުންނަށް ބޭސް ފަރުވާ އާއި ހިދުމަތް ލިބިގަންނަން އޮންނަ އިންޝޫރަންސް ނިޒާމެއް ކަމަށެވެ. އެގޮތުން ދައުލަތުން ސިއްހީ ފަރުވާއާއި ބޭހުގެ ކަންކަން ފޯރުކޮށްދެނީ މައިގަނޑު 2 ގޮތަކަށް ކަން ފާހަގަކޮށް ޑެޕިއުޓީ ސާއިދު ވިދާޅުވީ އެއީ ސަރުކާރުން ހިންގާ ހޮސްޕިޓަލުތައް، އެ ހޮަސްޕިޓާތައް ހިންގަނީ ބަޖެޓުން ހަރަދުކޮށްގެން ކަމަށެވެ. އަދި ބަޖެޓުން ހަރަދުކުރާނީ ދިވެހި ރައްޔިތުނަށް ލިބޭ އާމްދަނީގެ ތެރެއިން ކަަމަށާއި އޭގެ އިތުރުން ފާމަސީތަކާއި ކްލިނިކްތަށް ހުންނަ ކަަމަށް ޑެޕިއުޓީ މިނިސްޓަރު ވިދާޅުވިއެވެ.
އެ ނިޒާމު މިވަގުތު އޮތްގޮތުން ދައުލަތުގެ ހޮސްޕިޓާތަކުން ހުރިހާ ހިދުމަތެއް ނުލިބޭ ކަމަށާއި ރާއްޖޭއިން ވެސް ރައްޔިތުނަށް ކޮންމެހެން ލިބެން ޖެހޭ ބޭސް ފަރުވާ އެކީގައިނުލިބޭ ކަަމަށް މިނިސްޓަރު ވިދާޅުވިއެވެ. އަދި ނަތީޖާއަކަށް ވަނީ ރާއްޖެއިން ބޭރަށްވެސް ބޭސް ފަރުވާއަށް ދާން ޖެހުން ކަމަށް ސާއިދު ވިދާޅުވިއެވެ.
އާސަންދައިގެ ހަރަދަށް ބަލާލާއިރުގައި އާސަންދައިގެ 2.2، 2.3 މިލިއަން ރުފިޔާ ފާއިތުވި އަހަރު ހިނގާފައި ހުރި ކަމަށާއި އޭގެތެރެއިން 1.6 ބިލިއަން ރުފިޔާ އެއީ ބޭހުގެ ހަރަދު ކަމަަށް ޑެޕިއުޓީ ސާއިދު ވިދާލުވިއެވެ.
ބޭހުގެ ހަރަދު ބޮޑުކަމުން ސަރުކާރުން މިހާރު ވާނީ ބަލްކް ޕްރޮކިއުމަންޓް އޮޕްރޭޝަނަލައިޒްކޮށް، ޝިޕްމަންޓްތަކެއް ގެނެއްސަ ކަަމަށާއި އެ މަސަކަތް މިހާރު ދަނީ ކުރިއަށް ކަމަށް ޑެޕިއުޓީ މިނިސްޓަރު ސާއިދު ވިދާޅުވިއެވެ.
ކުރިއަށް އޮތްތާގައި އެހިދުމަތް ފުޅާވެގެން ދާނެކަމަށް އުއްމީދު ކުރައްވާކަމަށައި މިއީ އާސަންދައަށް ކުރާ ހަރަދު އެންމެ ބޮޑުތަނުން ކުޑަކުރެވޭނެ އެއް ޕޮލިސީ ކަމަށް ސާއިދު ވިދާޅުވިއެވެ. އަދި އޭގެ އިތުރުން ރައީސް ޑރ.މުއިއްޒު ވަނީ ކެބިނެޓްގައި ބޭހުގެ އަގު ވަކި ވަރެއްގައި ކޮންޓްރޯލް ކުރަން ނިންމަވާފައިކަމަށައި އެއާ އެކީވެސް ހަރަދުން ސޭވިންގްތަކެއް ލިބިގެންދާނެ ކަމަށް ސާއިދު ވިދާޅުވިއެވެ.
ރައްޔިތުންނަށް ލިބޭ ބޭސް ކޮލިޓީއާއި، ލިބޭ މިންވަރަށް މިކަންކަމަށް ބަދަލުވުމެއް އައުމާ ނުލާ ވަރަށް ބޮޑެތި ފައިދާގައި އެތައް ފަރާތެއް ގަނެ ވިއްކާގެން ސަރުކާރުން، ރައްޔިތުންނަށް ފޮރުކޮށްދޭން މަސައްކަތް ކުރަމުން އަންނަ ކަމަށާއި އެކަންކަމަށް ވަނީ އެޓެންޑްވެވިފައި ކަމަަށް ސާއިދު ވިދާޅުވިއެވެ.
