ޑރ ޝަމްހީދު
ބަޖެޓުގެ ތަފުސީލު ނުދެނީ ހަރަދުތައް ފޮރުވަން: ޝަމްހީދު
ގުފްތަގް އަޖީރު
12 ނޮވެންބަރ 2024 - 11:00:43
އަންނަ އަހަރަށް ހުށަހަޅާފައިވާ ދައުލަތުގެ ބަޖެޓުގެ ތަފުސީލު ސަރުކާރުން ހާމަނުކުރަނީ މިއަހަރުގެ ބަޖެޓުން ކޮށްފައިވާ ހަރަދުތައް ފޮރުވަން ކަމަށް ހުޅުމާލޭ ދެކުނު ދާއިރާގެ މެންބަރު އަހުމަދު ޝަމްހީދު ވިދާޅުވެއްޖެ އެވެ.
Advertisement
މާލިއްޔަތު ކޮމިޓީގެ މެންބަރެއް ވެސް ކަމަށްވާ ޝަމްހީދު ވިދާޅުވީ މިއަހަރު އެއްވެސް ބޮޑު މަޝްރޫއެއް ހިންގާފައި ނެތި 49.8 ބިލިއަން ރުފިޔާގެ ބަޖެޓު ހުސްކޮށްލާފައިވާ ކަމަށެވެ. އަދި އެ ފައިސާ ހަރަދުކުރި ގޮތުގެ އެއްވެސް މައުލޫމާތެއް ނޭނގޭ ކަމަށް ވެސް އޭނާ ވިދާޅުވި އެވެ.
އަންނަ އަހަރުގެ ބަޖެޓުގައި ސަބްސިޑީތަކަށް ބޮޑެތި ބަދަލުތަކެއް ގެންނަން ނިންމާފައިވާ ކަމަށާއި، މިހާރު ހުށަހަޅާފައިވާ 56.6 ބިލިއަން ރުފިޔާގެ ބަޖެޓުން ސަބްސިޑީގެ ގޮތުގައި ދޭ އަދަދު މިއަހަރަށް ވުރެ ތިން ބިލިއަން ރުފިޔާ ދަށްކޮށްފައިވާ ކަމަށް ޝަމްހީދު ފާހަގަކުރެއްވި އެވެ.
ބަޖެޓުގެ ތަފުސީލު ހޯދުމަށް އެމްޑީޕީގެ ޕާލިމެންޓަރީ ގްރޫޕުން ސިޓީ ފޮނުވާފައިވާ ކަމަށާއި، މިއީ ފިނޭންސް މިނިސްޓްރީން މީގެ ކުރިން ބަޖެޓު ހުށަހަޅާފައިވާ ގޮތާ މުޅިން ތަފާތު ގޮތެއް ކަމަށް ވެސް ޝަމްހީދު ވިދާޅުވި އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
