ސަރުކާރުން ގާނޫނުއަސާސީއަށް ސަރުކާރުގެ ފަރާތުން ގެންނަން ހުށަހެޅި އިސްލާހުތަކާ ދެކޮޅަށް މަޖލިސް ކައިރިއަށް ފުރަތަމަ އެއްވީ އިދިކޮޅު އެމްޑީޕީންނެވެ. އެއާއި އެކު ސަރުކާރު ހިންގާ ޕީއެންސީގެ އެކްޓިވިސްޓުންތަކެއް އެ ތަނަށް ދިއުމުން މުޒާހަރާވަނީ ހޫނުވެފައެވެ.
އެ ސަރަހައްދުގައި ފުލުހުންވެސް ދަނީ ހަރަކާތެރިވަމުންނެވެ. ސަރަހައްދު ކޮންޓްރޯލްކުރަން މަސައްކަތް ކުރި ފުލުހަކަށް އަނިޔާވެފައިވާކަމަށް ބައެއް މީޑިއާތައް ބުނެއެވެ.
ދެ ޕާޓީން މަޖިލިސް ކައިރީކުރާ މުޒަހަރާގެ ތެރެއިން
ޕީއެންސީގެ ސުޕަ މެޖޯރިޓީން ބިލު ބަލައިގަނެ، އެ ބިލު ވަނީ މުޅި މަޖިލީހުގެ ކޮމިޓީއަށް ފޮނުވާފައެވެ. އަދި ކޮމެޓީ މަސައްކަތް ނިންމާ މިއަދު ހަވީރު 5:30ގައި އެ ބިލަށް ތަޅުމުގައި ގޮތެއް ނިންމަން ޖަލްސާއެއް ވަނީ އެޖެންޑާކޮށްފައެވެ.
ގާނޫނު އަސާސީއަށް ގެންނަ އިސްލާހާއި ދެކޮޅަށް ރައްޔިތުން މަޖިލީހުގެ ކުރީގެ މެމްބަރު ނަޝީދު ވާހަކަ ދައްކަވަނީ
ގޮނޑި ގެއްލޭގޮތަށް ގާނޫނު އަސާސީގައި ހިމަނަން ޕީއެންސީ މަޖިލީހަށް ހުށައަޅަން މި ނިންމީ މަޖިލީހުގެ މެންބަރުކަމަށް ހޮވޭ ޕާޓީ ނޫން ޕާޓީއަކަށް ސޮއިކޮށްފިނަމަ މެމްބަރުކަމުން އިސްތިއުފާ ދޭންޖެހޭނެ ކަމަށް ބުނާ އެންޓި ޑިފެކްޝަން ގާނޫނުގައި ބުނާ މާއްދާ ބާތިލް ކުރަން އަމިއްލަ ފަރާތަކުން ހައިކޯޓަށް މައްސަލަ ވައްދާފައި ވަނިކޮށެވެ.
