ނާޒިލް މިހެން ވިދާޅުވީ ސަރުކާރުގެ ވެރިކަން ކުރާ މައި ޕާޓީ ޕީއެންސީގެ މެޖޯރިޓީ އޮންނަ ރައްޔިތުން މަޖިލީހުގެ 78 މެމްބަރުންގެ ވޯޓައި އެކު ގާނޫނު އަސާސީއަށް ގެނެވުނު 3 ބަދަލަކާ ގުޅިގެންނެވެ.
މިއަދު އެމްޑީޕީ މައި އޮފީހުގައި ބޭއްވި ނޫސްވެރިންގެ ބައްދަލުވުމުގައި ނާޒިމް ވަނީ އެކަމާ ގުޅޭގޮތުން ކަންބޮޑުވުން ފާޅުކުރައްވާ ވާހަކަދައްކަވާފައެވެ.
އެކަމަކު މަޝްވަރާކުރާކަށް ފުރުސަތެއް ނުލިބުނު ކަމަށާއި ކޮމިޓީ ބަހުސްވެސް ގަޑިއެއް ހާއިރު ތެރޭ ނިންމާލީ ކަމަށް އޭނާ ވިދާޅުވިއެވެ. ގާނޫނު އަސާސީއަށް އިސްލާހު ގެންނަންވާނީ ވާހަކަ ދައްކަކައިގެން ހައްލުހޯދައިގެން ކަަމަށާއި ގާނޫނު އަސާސީގައި އޮންނަ މާއްދާއަަކަށް އިސްލާހު ގެންނަނީކީއެއް ނޫން ކަމަށް ނާޒިލް ވިދާޅުވިއެވެ.
ޕާޓީގެ އެންޓިޑިފެކްޝަން ގާނޫނު އެމްޑީޕީން ގެނައި ވާހަކައާއި، އެމްޑީޕީން ގެނެއްސަ އޮތް ކަަމަކަށް އެއިރު އެމްޑީޕީން ކަންތައް ކުރި ގޮތާއި އެހުރިގާ ސުވާލެއް ކުރާކަމަށް ފާހަގަކޮށް ނާޒިލް ވިދާޅުވީ އެއިރު ވަރަށް ސާފުކޮށް ގޮނޑި ޕާޓީން ނަގާ ޑިސިޝަން ނޫނީ ޕާޓީގައި އޮންނަ ކޮމިޓީ އަކުން ، ފިޔަވަޅު އަޅާ އެހުރިހާ ކަމެއްގެ ތެރެއިން އައިސް ގޮނޑި ގެއްލުނަސްވެސް ދާއިރާގެ ރައްޔިތުންނަށް ހައްގުއޮތްކަމަށެވެ.
މިހާރު ރައްުޔިތުންގެ މެމްބަރުންނޭ ކިޔޭނެ ކަމާމެދު ސުވާލު އުފައްދައްވާ މިހާރު ކިޔޭނީ ޕާޓީ މެންބަރުން ކަމަށް ނާޒިލް ވިދާޅުވިއެވެ. އަދި މިހާރު ރައްޔިތުން ބޭނުންވާ ކަމެއް ނުކުރެވޭނެ ކަމަށާއި މިހާރު ކުރެވޭނީ ޕާޓީން ބޭނުންވާ ކަންތައްތައް ކަމަށް ނާޒިލް ވިދާޅުވިއެވެ. އަދި މިހާރު އޮތްގޮތުން ނަމަ މެންބަރުން ހޮވާފައި ހުރި ދާއިރާއެއްގެ ރައްޔިތުން އެ މެމްބަަރށް ގުޅީމާ "ތިމަންނައަކަށް ނޫނޭ ޕާޓީއަށް ގުޅާށޭ ކަންކަމުގައި" އެ މެމްބަރަަކަށް ބުނެވޭނެ ކަަމަށްވެސް އެމްޑީޕީ ޕީޖީ ގްރޫޕް ލީޑަރު ފާހަގކުރެއްވިއެވެ.
1 ގަޑިރުގެ ބަހުސެއް ނިންމާލާއިރު މެދުތެރެއަށް ވޯޓު ނަގާށާ އެކީގައި ދިން ހުރިހާ ވަގުތުތަކާއެކީގައި ، ޖުމްލަ 9 ގަޑީރު ނަަމަވެސް މަޝްވަރާކޮށް 3 ގަޑީރު ތެރޭ ހުރިހާ ކަމެއް ނިމި ހިނގާދިޔަަ ކަމަށް ވިދާޅުވެ ނާޒިލް ކަންބޮޑުވުން ފާޅުކުރިއެވެ.
ހުސްވަގުތޮކޮޅުގައި ކޮންމެހެން އެކަމަށް މަޝްވަރާކޮށް، އިލްމީގޮތުން ކަންކަން ހޯ،ދާ މުސްތަގްބަލްގައި ރަނގަޅަށް ދާނީ ކިހިނެތްތޯއާމެދު، އުފެދިދާނެ ހިޔާލު ތަފާތުވުންތަަކަކީ ކޮބާތޯއާ މެދު އިތުރަށް އެއްވެސް މަޝްވަރާއެއް ނުކޮށް ނިންމާލީކަމަށް ނާޒިލް ވިދާޅުވިއެވެ.
