ކުރީގެ ރައީސް މައުމޫން އަބްދުލް ގައްޔޫމް
6ގަޑިއިރު ތެރޭގައި ގާނޫނު އަސާސީ އިސްލާހުކުރުން، ދުނިޔޭގެ ރިކޯޑެއްތޯ: މައުމޫން
މުހައްމަދު އާދަމް އަހްމަދު
21 ނޮވެންބަރ 2024 - 15:13:37
އިއްޔެ ރައްޔިތުން މަޖިލީހުން ގާނޫނު އަސާސީއަށް އިސްލާހު ހުށައަޅާ އަވަސްކޮށް ފާސްކުރުން އެއީ ދުނިޔޭގެ ރިކޯޑެއްތޯ ކުރީގެ ރައީސް މައުމޫން އަބްދުލް ގައްޔޫމް ސުވާލު އުފައްދަވައިފިއެވެ.
Advertisement
ސަރުކާރުގެ ފަރާތުން ގާނޫނު އަސާސީއަށް 3 އިސްލާހެއް އިއްޔެ ހުށައަޅާ އިއްޔެ އިން އިއްޔެ އަށް އިސްލާހު ފާސްކޮށްވަނީ ނިންމާފައެވެ. ހެނދުނު ހުށައެޅި އިސްލާހުގެ މަސައްކަތައް މެންދުރު މަޖިލީހުން ނިންމާ ހަވީރު 5:51 ގައި ވަނީ ފާސްކޮށްފައެވެ. އަދި ރޭ އިރާކޮޅު ރައީސް ޑރ. މުއިއްޒު ވަނީ އެ ބިލް ތަސްދީގު ކުރައްވާފައެވެ.
މިކަމަށް އިޝާރާތް ކުރައްވާ ރައީސް މައުމޫން އެކްސްގައި ކުރެއްވި ޕޯސްޓެއްގައި ވަނީ ގާނޫނު އަސާސީ 6 ގަޑިއިރު ތެރޭ އިސްލާހު ކުރުމަކީ ދުނިޔޭގެ ރެކޯޑެއްތޯ ސުވާލު އުފައްދަވާފައެވެ.
" 6 ގަޑިއިރު ތެރޭގައި ޤާނޫން އަސާސީއަށް އިޞްލާޙު ހުށަހަޅައި އިޞްލާޙު ފާސްކުރުން- ދުނިޔޭގެ ރިކޯޑެއްތޯ؟." މައުމޫން އެކްސްގައި ކުރެއްވި ޕޯސްޓްގައިވެއެވެ.
އިއްޔެ އަވަސް އަރުވައިގެން ގާނޫނު އަސާސީއަށް ބަދަލުތަކެއް ގެނައުމުން ގިނަ ބަޔަކު އަންނަނީ އެކަމުގެ ކަންބޮޑުވުން ފާޅުކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
