އިންޑިއާ ނޫސްތަކުން ބުނާގޮތުން މި ހަކުރު ޝިޕްމަންޓަކީ މިއަހަރުގެ އޭޕްރިލް މަހު ރާއްޖެ އާއި އިންޑިއާއިން ހެދި ހާއްސަ އެއްބަސްވުމެއްގެ ދަށުން ރާއްޖެއަށް ފޮނުވަން ނިންމާފައިވާ ޝިޕްމަންޓްގެ ތެރޭގއި ހިމެނޭ ބަޔަކެވެ. އެ އެއްބަސްވުމުގެ ދަށުން ޖުމްލަ 64،494.33 ޓަނުގެ ހަކުރު ރާއްޖެއަށް އެތެރެކުރަން ވަނީ ނިންމާފައެވެ. މީގެތެރެއިން ރާއްޖެއަށް ނުވަދެ ލަންކާއަށް ދިޔަކަމަށް ބުނަނީ 70 ޓަނެވެ.
އިންޑިއާގެ ނޫސްތަކުން ބުނީ މި މައްސަލަ ފެންމަތިވީ މިދިޔަމަހުގެ 25 ވަނަދުވަހުކަމަށެވެ. އަދި މި މައްސަލަ ތަހުގީގުކުރަމުން އަންނާތީ ރާއްޖެއަށް ހަކުރު އެކްސްޕޯޓްކުރުން މަޑުޖައްސާލާފައިވާކަމަށްވެސް އިންޑިއާ ނޫސްތަކކުން ބުނެއެވެ.
އިންޑިއާގެ އިގްތިސާދީ ވުޒާރާގެ ދަށުން ހިންގާ ދި ޑައިރެކްޓަރޭޓް ޖެނެރަލް އޮފް ފޮރިން ޓްރޭޑް (ޑީޖީއެފްޓީ)އާ ހަވާލާދީ ނޫސްތަކުގައި ވަނީ އިންޑިއާގެ ނާވާ ޝެވާ ޕޯޓުން ރާއްޖެ ފޮނުވަން ތައްޔާރުކޮށްފައި އޮތް 7 ޕާރުސަލް ހަކުރު އެހެން ގައުމަކަށް ފޮނުވާފައިވާ ކަމަށް ޝައުްކުކުރެވޭކަމަށެވެ. އަދި މި މައްސަލަ ފެންމަތިވުމުން މި ހަކުރު ޝިޕްމަންޓް ލަންކާ ކަސްޓަމުން ހިފަހައްޓާފައިވާކަމަށްވެސް ނޫސްތަކުން ބުނެއެވެ.
