ފައްޔާޒު މިކަން ހާމަކުރެއްވީ އެމްޑީޕީގެ ގައުމީ މަޖިލިސް މެމްބަރުން ހިމެނޭ ވަޓްސްއެޕް ގްރޫޕަށް ހިއްސާކުރެއްވި މެސެޖެއްގައެވެ. އެ މެސެޖުގއި ފައްޔާޒު ވިދާޅުވީ 2028ގެ ރިޔާސީ އިންތިހާބަށް އެމްޑީޕީން ނެރޭ ކެންޑިޑޭޓެއް ކަނޑައެޅުމަށް ބާއްވާ ޕްރައިމެރީގައި ވާދަކުރަން ނިންމަވާފައިވާކަަމަށެވެ. އަދި އެކަމުގައި އޭނާއަށް ތާއީދުކޮށްދެއްވުމަށް ފައްޔާޒު ވަނީ އެދިވަޑައިގެންފައެވެ.
ކުރީގެ ރަައީސް އިބްރާހިމް މުހައްމަދު ސާލިހް ދެއްވި އިންޓަވިއުއްގައި ވިދާޅުވީ ރިޔާސީ ރޭހަށް ނުކުމެވަޑައިގަތުމަށް ޝައުގުވެރިކަން ޕާޓީގެ ތެރެއިން ބައެއް ބޭފުޅުން ފާޅުކުރައްވާފައިވާކަމަށެވެ. ސާލިހް ވާދަކުރައްވާނެތޯ ކުރެއްވި ސުވާލަށް އެމަނިކުފާނު ވިދާޅުވީ އެކަމާއި ގުޅޭގޮތުން ނިންމަވާފައިވާ ނިންމެވުމެއް އަދި ހާމަކުރައްވަން ބޭނުންފުޅޫ ނުވާކަމަށެވެ.
2028 ގެ ރިޔާސީ އިންތިހާބުގައި ވާސަކުރައްވާނެކަަން މިހާތަނަށް އިއުލާންކުރައްވާފައިވަނީ ކުރީގެ ރައީސް އަބްދުﷲ ޔާމީންއެވެ.
