ޝްރަދާ ކަޕޫރު
ކުރި ސުވާލަކުން ޝްރައްދާ ރަތަށްއަރައިފި
އިމާދު އަލީ
18 ޑިސެމްބަރ 2024 - 23:28:30
ބޮލިވުޑްގެ މަޝްހޫރު ތަރި ޝްރައްދާ ކަޕޫރުގެ އަމިއްލަ ދިރިއުޅުމާ ބެހޭ ގޮތުން ކުރި ސުވާލުތަކަކާ ގުޅިގެން އޭނާ ރުޅިއައިސްފިއެވެ.
Advertisement
މިކަން ހިނގީ "އާޖްތަކް" އިން އިންތިޒާމްކޮށްގެން ބޭއްވި ހަފްލާއެއްގައި ނޫސްވެރިޔަކު އޭނާގެ ލޯބީގެ ދިރިއުޅުމާއި ބެހޭ ސުވާލެއް ކުރުމުންނެވެ.
ނޫސްވެރިޔާ ސުވާލުކުރީ ކާތިކް އާރިއަން އިންޓަވިއުއެއްގައި ދެއްކި ވާހަކައަކާ ގުޅޭ ގޮތުންނެވެ. ކާތިކް ބުނެފައިވަނީ އޭނާއަށް ޑޭޓްކުރަން ބޭނުންވާ ހަތަރު އަންހެން ތަރިންގެ ތެރޭގައި ހިމެނޭ ޝްރައްދާ ވެސް މިހާރު އެހެން މީހަކާ ޑޭޓްކުރަމުންދާ ކަމަށެވެ.
މި ސުވާލަށް ޖަވާބުދިނުމުގެ ބަދަލުގައި ޝްރައްދާ ބުނީ "އޭނާ ބުނަން އޮތް އެއްޗެއް ބުނެފި، ދެން އަހަންނާ ކުރާނެ ސުވާލެއް އެބައޮތްތޯ؟" އެވެ.
ކޮސްމޮޕޮލިޓަން މަޖައްލާއަށް ދިން އިންޓަވިއުއެއްގައި ޝްރަދާ ވަނީ އޭނާގެ ޕާޓްނަރާ އެކު ފިލްމު ބަލަން ދިއުމާއި، ކެއުމާއި، ދަތުރުފަތުރު ކުރަން ވަރަށް ބޮޑަށް ލޯބިވާ ކަމަށް ބުނެފައެވެ. އަދި ފަހަކަށް އައިސް އޭނާ ރާހުލް މޯދީއާ އެކު އުޅޭ ތަން ފެނިފައިވާ ކަމަށް މީޑިއާތަކުން ވަނީ ރިޕޯޓުކޮށްފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
