ކޮވިޑް-19 ޖެހުނު މީހުންގެ އަދަދު 280 އަށް އަރާފައިވާއިރު އޭގެ ތެރެއިން އެކަކު ވަނީ މި ބަލީގައި މަރުވެފަ އެވެ. 

މި ބަލީގައި މަރުވެފައި ވަނީ އުމުރުން 83 އަހަރުގެ އަންހެނެކެވެ. މިކަން ހާމަކުރައްވާ ހެލްތު މިނިސްޓަރު އަބްދުﷲ އަމީން ވިދާޅުވީ، މި މީހާ މަރުވެފައި ވަނީ މިއަދު އިރުއޮއްސި 7:30 ހާއިރު ކަމަށާއި އެމީހާ ބައްޔަށް ޕޮޒިޓިވްވިކަން އެނގުނީ މަރުވި ފަހުން ލިބުނު ސާމްޕަލްގެ ނަތީޖާއިންކަމަށް ވިދާޅުވި އެވެ. 

އިއްޔެ ރާއްޖެއިން 28 މީހަކު ކޮވިޑް-19 އަށް ޕޮޒިޓިވްވިއިރު މީގެ ތެރޭގައި ގިނައީ ދިވެހިންނެވެ.