މަހްލޫފު މިހެން ވިދާޅުވީ، ކޮވިޑް-19 އާ ގުޅިގެން ގާއިމްކޮށްފައިވާ ނެޝަނަލް އިމަޖެންސީ އޮޕަރޭޝަން ސެންޓަރުގައި މިއަދު ވާޗުއަލްކޮށް ނޫސްވެރިންނާ ބައްދަލުކުރައްވާ ދެއްކެވި ވާހަކައިގަ އެވެ.
ސްޕޯޓްސް މިނިސްޓްރީ މެދުވެރިކޮށް ފުރަތަމަ ޑިވިޝަނުގެ ފުޓްބޯޅަ ކޯޗުންނަށް ވަކި އެލަވަންސެއް ދެ އެވެ. އެއީ އޭ ލައިސަންސް އޮންނަ ކޯޗަކަށް މަހަކު ފަނަރަ ހާސް ރުފިޔާ އެވެ. މިނިސްޓަރު މަހްލޫފު ވިދާޅުވީ ކޯޗުނަށް މުސާރަ ދިނުމަކީ ކުލަބުތަކުން ކުރަން ޖެހޭ ކަމެއް ކަމަށެވެ. އެކަމުގައި ކޯޗުންނާއި މިނިސްޓްރީން މުޢާމަލާތް ކުރައް ނުވެސް ޖެހޭ ކަމަށް މަހްލޫފު ވިދާޅުވި އެވެ.
މިނިސްޓަރު މަހުލޫފު މިއަދު މިހެން ވިދާޅުވިއިރު، ދިވެހި ފުޓްބޯޅަ ކްލަބުތަކަށް މާލީ ދަތިތަކެއް ހުރެދާނެ ކަމަށް ނުބެލެވޭ ކަމަށް ފުޓްބޯލް އެސޯސިއޭޝަން އޮފް މޯލްޑިވްސްގެ ޖެނެރަލް ސެކެއްޓްރީ ހުސެއިން ޖަވާޒު ވެސް ވަނީ ވިދާޅުވެފަ އެވެ. ޖަވާޒު މިދިޔަ ހަފްތާގެ ތެރޭގައި ވިދާޅުވެފައި ވަނީ ސީޒަން ނިމިފައި އޮތުމުން މާބޮޑު ދަތިތަކެއް ކްލަބުތަކަށް ހުންނާނެ ކަމަށް ހީނުވާ ކަމަށެވެ.
