އިޝާން ފޭސްބުކް މެދުވެރިކޮށް ކޮށްފައިވާ ޕޯސްޓެއްގައި ބުނީ މިއުޒިކް ކުޅޭ އަޑު އެހުން އެއީ ﷲ އާ ތިބާ އާ އޮތް ގުޅުން ވަރަށް ނިކަމެތި ކޮށްލާ ކަމެއް ކަމަށެވެ. އަދި ޝައިތާނާ ބޭނުން ކޮންމެ ގޮތަކަށް ތިބާގެ ނަފްސު ކޮންޓްރޯލް ކޮށްލާ ކަމެއް ކަމަށް އިޝާން ވަނީ ބުނެފައެވެ.
"ﷲ އަށް ކުއްތަންވެ ތިރިވެ ކޮށްލާ އެންމެ ސަޖިދައަކުން ހިތައް ލިބޭ އަރާމު އެތައް އަހަރު ދުވަހެއް ވަންދެން ކުޅުނު މިއުޒިކުން ހިތައްވީ އިހްސާސްތަކާއި ނުބައްދަލު" އިޝާން ބުނެފައި ވެއެވެ.
އިޝާން ބުނީ މިއަދު އެންމެ ރެއަކުން އޭނާއަށް ލިބުނު އާމްދަނީ މިހާރު ލިބެނީ މަސް ދުވަހުން ކަމަށާއި އެހެން ނަމަވެސް ފުދުންތެރިކަމާއި ތަނަވަސް ކަމަކީ އިންސާނެއްގެ ހިތާއި ގުޅިފައި އޮންނަ ކަމެއްކަން މިހާރު އިހްސާސް ކުރެވޭ ކަމަށެވެ.
އެކަމާ ގުޅިގެން އަލީ ރަމީޒު ބުނީ އިޝާން ލަވަ ކިޔުން ހުއްޓާލި ހަބަރަކީ ވަރަށް އުފާވެރި ހަބަރެއް ކަމަށެވެ. އަދި އިޝާން އަކީ ޒުވާނުންނަށް ނަމޫނާ އެއް ކަމަށް ވެސް އަލީ ރަމީޒު ވަނީ ބުނެފައެވެ.
އިޝާން ވަނީ މޯލްޑިވިއަން އައިޑަލްގެ ފުރަތަމަ ސީޒަންގެ ތިން ވަނަ ހޯދާފައެވެ. އައިޑަލް އަށްފަހު އިޝާން ވަނީ ރިސޯޓުތަކާއި އެކި ޝޯތައް ވެސް ހުށަހަޅާދީފައެވެ.