ޖަރުމަންވިލާތުގެ އެއްވަނަ ގޯލް ކީޕަރު މެނުއަލް ނޯޔާއާއި އެކު ކުރިން، ޝާލްކޭއަށް ކުޅުނު ކަމްބާ މަރުވި ކަމަށް ރިޕޯޓްކޮށްފައިވަނީ ދެހާސް ސޯޅަ ވަނަ އަހަރުގެ ޖެނުއަރީ މަހުއެވެ. އޭނާ މަރުވިކަމަށް ރިޕޯޓްކޮށް، އޭނާގެ އަންހެނުންވަނީ ކަމްބާގެ ލައިފް އިންޝޫރެންސްގެ ފައިސާވެސް ނަގާފައިކަމަށް ރިޕޯޓްތައް ބުނެއެވެ.
ކޮންގޯއަށް އުފަން މި ކުޅުންތެރިޔާ މަރުވިކަމަށް ރިޕޯޓްކުރުމާއި ގުޅިގެން ޝާލްކޭއިން އޭރުވަނީ އެކަމުގެ ހިތާމަވެސް ފާޅުކޮށްފައެވެ. އެހެންނަމަވެސް އޭނާ ދިރިހުއްޓާ ފެނުމުން، އޭނާގެ ކުރީގެ އަންހެނުން، ދޮގު ރިޕޯޓްކުރި މައްސަލައިގެ ތަހުގީގު މިހާރުވަނީ ފެށިފައެވެ. އަދި އޮޅުވާލައިގެން އިންޝޫރެންސް ފައިސާ ނެގި މައްސަލައާއި، ވަގު ޑޮކިއުމަންޓްތަކެއް ހަދައިގެން ކަމްބާ މަރުވި ކަމަށް ދައްކަން އުޅުމުގެ ދައުވާ އޭނާގެ ކުރީގެ އަންހެނުންނާއި ދެކޮޅަށްވަނީ އުފުލާފައެވެ. އަދި މި މައްސަލައިގާ ކަމްބާގެ ކުރީގެ އަންހެނުންނާއި ދެކޮޅަށް ހުށަހަޅާފައިވާ ހެކިންގެ ތެރޭގައި ކަމްބާވެސް ހިމެނެއެވެ.