ރައްޔިތުންގެ މަޖިލީހުގެ މިއަދުގެ ޖަލްސާގައި ވަނީ ރަސްމީ ލިޔެކިޔުންނެތް ބިދޭސީ މަސައްކަތްތެރިންގެ މައްސަލައިގައި ޤައުމީ ސަލާމަތާއި ހާރިޖީ ގުުންތަކުގެ ކޮމިޓީން ދިރާސާ ކުރި މައްސަލައަށް މެމްބަރުން ވާހަކަދައްކަވާފައެވެ. އެގޮތުން އަލީ އާޒިމް ވިދާޅުވީ މިހާރުދިމާވެގެން އުޅޭ ކޮވިޑް19 އާއި ގުޅިގެން ބދޭސީ މަސައްކަތްތެރިންގެ ކަންކަން އިތުރަށް ފާހަގަ ވެފައިވާކަމަށެވެ.
އަލީ އާޒިމް ވިދާޅުވީ ރާއްޖޭޣައި މަސައްކަތް ކުރާ ބިދޭސީ މަސައްކަތްތެރިންގެ އަދަދެއް އިނގެން ނެތުމަކީ ލަދުގަންނަންޖެހޭ ކަމެއް ކަމަށެވެ.
ކަމާއި ގުޅިގެން ހުރި ޤާނޫނުތައް ހެދިފައި އެބަހުރި ކަން ފާހަގަކޮށް އަލީ އާޒިމް ވިދާޅުވީ މުއައްސަސާތަކުން ގާނޫނު ތަންފީޒް ކުރުމަށް ފަސްޖެހެނީ ރާވައިގެން ކަމަށެވެ. އަދި މި ގަވައިދާ ހިލާފަށް އުޅޭ ބިދޭސީންގެ މައްސަލައަކީ ރޭވުންތެރިކަމާއި އެކު ހިންގި ވައްކަމެއްގެ ތެރެއިން ހިނގާފައިވާ ކަމެއްކަމަށް އަލީ އާޒިމް ވިދާޅުވިއެވެ.
އަދި މިކަން ހިނގަންފަށާފައިވަނީ ރައީސް ޔާމީންގެ ވެރިކަމުގައި އޭރުގެ އިކޮނޮމިކް މިނިސްޓްރީގެތެރެއިން ކަމަށް އަލީ އާޒިމް ތުހުމަތު ކުރެއްވި އެވެ. އަދި އެކަން ކޮށްފައިވަނީ އެއް މުއައްސަސާ އަނެއް މުއައްސަސާއާއި ގުޅިގެންކަމަށް ވެސް ވިދާޅުވި އެވެ.