ހައްޖުވެރިން މިއަދު ފުރަން ފެށުން
2024-05-31 19:48:55
ރާއްޖެއިން މި އަހަރު ހައްޖަށްދާ މީހުންގެ ފުރަތަމަ ގްރޫޕު މިއަދު މެންދުރު ފުރައިފި އެވެ. ސައޫދީ އަރަބިއްޔާއިން މި އަހަރު ރާއްޖެއިން ކަނޑައެޅީ 1،000 ކޯޓާއެވެ. ސަރުކާރުން ނިންމީ އެ ހުރިހާ ކޯޓާއެއްގައި ވެސް ހައްޖުވެރިން މި ފަހަރު ގެންދާނީ ހައްޖު ކޯޕަރޭޝަނުން ކަމަށެވެ. މީހުންނަށް ފަސޭހަ ކޮށްދިނުމުގެ ގޮތުން މިނިސްޓްރީން ވަނީ މާލެ، ވިލިމާލެ އަދި ހުޅުމާލެއިން ވެލާނާ އެއާޕޯޓާ ހަމައަށް ގެންގޮސްދިނުމަށް ދަތުރުފަތުރުގެ އިންތިޒާމުތައް ވެސް ހަމަޖައްސައި ދީފައި އެވެ. މިއަދު ހައްޖަށް ފުރީ 298 މީހުންނެވެ.
