ރައީސް ޑރ. މުއިއްޒު ބީކޭއެމްޔޫގެ އިސް ބޭފުޅުންނާއި ބައްދަލުކުރެއްވުން
2024-09-02 15:19:45
ބޮޑު ކަންނެލި މަސްވެރިންގެ ޔޫނިއަން (ބީކޭއެމްޔޫ)ގެ އިސް ބޭފުޅުންނާ ރައީސް ޑރ. މުހައްމަދު މުއިއްޒު ބައްދަލުކުރައްވައިފި އެވެ. ރައީސް އޮފީހުގައި ކުރިއަށް ދިޔަ މި ބައްދަލުކުރެއްވުމުގައި ވާހަކަފުޅު ދައްކަވަމުން ރައީސް ވިދާޅުވީ، މިފަދަ ބައްދަލުވުމެއްގެ ބޭނުމަކީ ރައްޔިތުންނާ ގާތުން ރައްޔިތުން އެދޭގޮތަށް ސަރުކާރުގެ ކަންކަން ކުރިއަށް ގެންދިއުން ކަމަށެވެ. ރާއްޖޭގައި ބޮޑުކަންނެލީގެ މަސްވެރިކަމަށް ދިމާވެފައިވާ މައްސަލަތައް ގާތުން ބައްލަވައި ހައްލު ހޯއްދަވާދެއްވާނެކަމުގެ ޔަގީންކަން ވެސް ރައީސް މިއަދު ވަނީ ދެއްވައިފަ އެވެ.
