ރައީސް އެމެރިކާގެ ޕްރިންސްޓަން ޔުނިވާސިޓީގައި ތަގުރީރު ކުރެެއްވުން
2024-09-27 14:09:07
ރައީސް ޑރ. މުހައްމަދު މުއިއްޒު އެމެރިކާގެ ޕްރިންސްޓަން ޔުނިވަރސިޓީގެ ޕަބްލިކް އެންޑް އިންޓަރނޭޝަނަލް އެފެއާޒް ސްކޫލްގައި ތަގުރީރުކުރައްވީ ރޭގައި އެވެ. ރައީސް މުއިއްޒު ޕްރިންސްޓަން ޔުނިވަރސިޓީގައި ތަގުރީރުކުރެއްވީ، އެ ޔުނިވަރސިޓީގެ ޕަބްލިކް އެންޑް އިންޓަރނޭޝަނަލް އެފެއާޒް ސްކޫލްގެ އެޑްވަރޑްސް އެސް ސެންފޯޑް، ޕްރޮފެސަރ އޮފް ޕޮލިޓިކްސް އެންޑް އިންޓަރނޭޝަނަލް އެފެއާޒް، ޑީން އަމާނީ އޭ ޖަމާލްގެ ދައުވަތަކަށެވެ. މި ހަރަކާތަކީ "ޑީންސް ލީޑަރޝިޕް ސީރީޒް" ގެ ދަށުން ކުރިއަށްގެންދިޔަ ހަރަކާތެކެވެ. މި ތަގުރީރަށްފަހު ދަރިވަރުންނާއި މުދައްރިސުންނާއެކު "ފަޔަރސައިޑް ޗެޓް" އަކާއި ސުވާލާއި ޖަވާބު ސެޝަނެއްވެސް ކުރިއަށްގެންދިޔަ އެވެ.
