ރައީސް މުއިއްޒުގެ ކެބިނެޓަށް ފުރަތަމަ ފަހަރަށް ބަދަލު ގެނައުން
2024-10-01 00:09:00
ރައީސް ޑރ. މުހައްމަދު މުއިއްޒުގެ ކެބިނެޓަށް ފުރަތަމަ ފަހަރަށް ބަދަލެއް ގެންނަވައިފި އެވެ. ފިނޭންސް މިނިސްޓަރަކަށް ފޮރިން މިނިސްޓަރު މޫސާ ޒަމީރު ހަމަޖައްސައި ފޮރިން މިނިސްޓަރަކަށް މިހާރުގެ ހެލްތް މިނިސްޓަރު ޑރ. އަބްދުﷲ ހަލީލު ރައީސް މުއިއްޒު ބަދަލުކުރެއްވި އެވެ. މި ނިންމުންތަކާ އެކު ފިނޭންސް މިނިސްޓަރަކަށް ހުންނެވި ޑރ. މުހައްމަދު ޝަފީގު ވަނީ އެ މަގާމުން އިސްތިއުފާދެއްވައިފަ އެވެ. ހެލްތް މިނިސްޓަރަކަށް ހަމަޖެއްސެވީ މިހާރު ރައީސް އޮފީހުގެ މިނިސްޓަރު އަދި ކުރީގެ ހެލްތް މިނިސްޓަރު އަބްދުﷲ ނާޒިމް އެވެ. އާ ވަޒީރުން ހުވާކުރުމުގެ ރަސްމިއްޔާތު އޮތީ ހޯމަ ދުވަހުގެ މެންދުރުފަހު ރައީސް އޮފީހުގަ އެވެ. މިއީ ރައީސް މުއިއްޒުގެ ކެބިނެޓަށް ގެނައި ފުރަތަމަ ބަދަލެވެ.
